PERPUSTAKAAN ONLINE Joujou Paboahon
PERPUSTAKAAN ONLINE
Joujou Paboahon
Batak (Toba)
  • BIBEL
  • PUBLIKASI
  • PARPUNGUAN
  • w20 Mei hlm. 8-11
  • Dua Raja na Bersaing di Ari Parpudi

Dang adong video na diparade di pilihan on.

Maaf, adong gangguan tikki lao mambukka video on.

  • Dua Raja na Bersaing di Ari Parpudi
  • Joujou Paboahon Barita Harajaon Ni Jahowa (Edisi Siparsiajaran)—2020
  • Bahan na Sarupa
  • “Raja sian Utara” di Tikki Ari Parpudi
    Joujou Paboahon Barita Harajaon Ni Jahowa (Edisi Siparsiajaran)—2020
  • Ise do “Raja Utara” di Tikkinta Saonari?
    Joujou Paboahon Barita Harajaon Ni Jahowa (Edisi Siparsiajaran)—2020
  • Na Didok Bukku Pangungkapon taringot Akka Musu ni Jahowa
    Joujou Paboahon Barita Harajaon Ni Jahowa (Edisi Siparsiajaran)—2022
  • Marsiajar ma sian Akka Surirang ni Bibel
    Joujou Paboahon Barita Harajaon Ni Jahowa (Edisi Siparsiajaran)—2023
Joujou Paboahon Barita Harajaon Ni Jahowa (Edisi Siparsiajaran)—2020
w20 Mei hlm. 8-11

Dua Raja na Bersaing di Ari Parpudi

Piga-piga surirang na disurat di bagan on manggombarhon akka peristiwa na masa di tikki na sarupa. Sude on patuduhon molo hita mangolu di ari parpudi.​—Dan. 12:4.

Bagan on patuduhon surirang taringot ise do na gabe raja utara dohot raja selatan sian taon 1870 sahat tu saonari.
  • Bagan 1 sian 4 patuduhon akka surirang na masa sian taon 1870 sahat tu taon 1918. Sian taon 1914 ma dimulai ari parpudi. Surirang 1: Binatang buas na pitu uluna ma na parjolo muncul di bagan on. Saleleng Porang Dunia I, lukka ma uluna na papituhon. Dung i, di taon 1917, malum ma ibana. Surirang 2: Taon 1871, boi ma taboto ise do raja utara. Jala taon 1870 boi ma taboto ise do raja selatan. Jerman do na gabe raja utara di taon 1871. Inggris Raya do na gabe raja selatan, alai di taon 1917 digattihon ma ibana gabe Kuasa Dunia Inggris-Amerika. Surirang 3: Mulai sian taon 1870-an, ditanda ma si Charles T. Russell dohot akka donganna gabe ‘suruan’. Di mula ni taon 1880-an, Zion’s Watch Tower manjujui akka panjaha lao marbarita na uli. Surirang 4: Tikki panen dimulai taon 1914. Dipapulik ma eme sian simaremeeme. Surirang 5: Mulai taon 1917, taboto ma manggombarhon ise do pat na sian bosi dohot tano liat. Gambar na asing: Porang Dunia I na masa sian taon 1914 sahat tu 1918. Akka peristiwa na diadopi naposo ni Jahowa: Sian taon 1914 sahat tu 1918, dipenjarahon ma Parsiajar Bibel na di Inggris dohot Jerman. Di taon 1918, dipenjarahon ma akka dongan na manguluhon di kantor pusat.
    Surirang 1.

    Ayat Pgk. 11:7; 12:13, 17; 13:1-8, 12

    Surirang Saleleng marribu taon, “binatang buas” i nungnga mangarajai portibi on. Di ari parpudi, gabe lukka ma uluna na papituhon. Dung i, malum ma uluna i, jala “sude jolma di tano on” mangihutton ibana. Ibana ma na dipakke Sibolis lao ‘mamorangi angka pinompar ni borua i na tading dope’.

    Saut Dukkon Aek na Sumar, akka pamarettaon na mangalo Jahowa do na mangarajai portibi on. Marratus taon dukkon i, Inggris ma na gabe Kuasa Dunia. Gabe gale do ibana saleleng Porang Dunia I. Alai gabe margogo do muse ibana dung marsada dohot Amerika Serikat. Di ari parpudi, dipakke Sibolis ma sude pamarettaon di portibi on lao menganiaya naposo ni Debata.

  • Surirang 2.

    Ayat Dan. 11:25-45

    Surirang Saleleng ari parpudi, bersaing do raja utara dohot raja selatan.

    Saut Bersaing do Jerman dohot Inggris-Amerika. Taon 1945, Uni Soviet dohot sekutuna ma na gabe raja utara. Taon 1991, dabu ma pamarettaon Uni Soviet. Ujungna, Rusia dohot sekutuna ma na gabe raja utara.

  • Surirang 3.

    Ayat Jes. 61:1; Mal. 3:1; Luk. 4:18

    Surirang Disuru Jahowa do ‘suruanna’ lao paradehon dalan andorang so dipajongjong Harajaon ni Messias. Punguan on ma na “mamaritahon barita na uli tu halak na dangol”.

    Saut Mulai taon 1870-an, marsitutu do si Russell dohot akka donganna mamparsiajari hasittongan sian Bibel. Saleleng taon 1880-an, diboto nasida ma rikkot do akka naposo ni Debata marbarita na uli. Dipabissar nasida ma akka sijahaon na marjudul “Dilului 1.000 Halak Parbarita” dohot “Dimiahi laho Marbarita”.

  • Surirang 4.

    Ayat Mat. 13:24-30, 36-43

    Surirang Sahalak bawa manabur eme di ladang. Ro ma musuna, ditabur ibana ma simareme-eme di ladang i. Gabe rap tubu ma eme dohot simareme-eme i. Di tikki panen, dipapulik ma dia na eme jala dia do na simereme-eme.

    Saut Mulai sian ujung ni taon 1800-an, gabe lam takkas ma tarida dia halak Kristen na sittong jala dia halak Kristen na so sittong. Saleleng ari parpudi, rap marpungu ma akka halak Kristen na sittong jala pulik ma nasida sian halak Kristen na so sittong.

  • Surirang 5.

    Ayat Dan. 2:31-33, 41-43

    Surirang Adong sada patung na dibahen sian marragam jenis logam. Pat ni patung i dibahen sian bosi dohot tano liat.

    Saut Tano liat manggombarhon akka halak na dirajai pamarettaon Inggris-Amerika, alai gabe mangalo tu pamarettaon i. Alani nasida, dang gogo be pamarettaon i songon bosi.

  • Bagan 2 sian 4 patuduhon akka surirang na masa sian taon 1919 sahat tu 1945. Jerman do na gabe raja utara sahat tu taon 1945. Raja selatan, i ma Kuasa Dunia Inggris-Amerika. Surirang 6: Di taon 1919, dipapungu ma halak Kristen na miniahan tu huria naung dipabadia. Sian taon 1919, lam marsitutu ma naposo ni Jahowa marbarita na uli. Surirang 7: Di taon 1920, dibahen ma Liga Bangsa-Bangsa sahat tu Porang Dunia II. Gambar na asing: Surirang 1, toktong dope adong binatang buas na pitu uluna i. Surirang 5, toktong dope adong pat na sian bosi dohot tano liat. Peristiwa na masa sian taon 1939 sahat tu 1945, Porang Dunia II. Akka peristiwa na diadopi naposo ni Jahowa: Sian taon 1939 sahat tu 1945, lobi sian 11.000 Sitindangi na di Jerman dipenjarahon. Sian taon 1939 sahat tu 1945, hampir 1.600 Sitindangi na di Inggris dipenjarahon. Sian taon 1940 sahat tu taon 1944, lobi sian 2.500 hali Sitindangi na di Amerika Serikat diserang.
    Surirang 6.

    Ayat Mat. 13:30; 24:14, 45; 28:19, 20

    Surirang Dipapungu ma “eme” tu bagasan “poti”, jala dipillit ma “naposo haposan jala na marbisuk” lao mangaradoti “angka naposona na asing”. Mulai ma dibaritahon “barita na uli taringot tu Harajaon i di liat portibi on”.

    Saut Di taon 1919, dipillit ma naposo haposan lao mangaradoti naposo ni Debata. Mulai sian i, gabe lam marsitutu ma Parsiajar Bibel lao marbarita na uli. Saonari, Sitindangi Ni Jahowa marbarita di lobi sian 200 negeri jala pabissarhon akka sijahaon di lobi sian 1.000 bahasa.

  • Surirang 7.

    Ayat Dan. 12:11; Pgk. 13:11, 14, 15

    Surirang Binatang buas na martanduk dua manjujui akka jolma di tano on asa mambahen “patung ni binatang buas”. Jala dilehon ibana ma “hosa tu patung ni binatang buas i”.

    Saut Inggris-Amerika do na mambahen Liga Bangsa-Bangsa. Gabe dohot do akka negara na asing bergabung tu organisasi on. Raja utara pe dohot do tu organisasi on, alai holan sian taon 1926-​1933. Godang halak porsea, boi do Liga Bangsa-Bangsa on mambahen dame portibi on, hape sasittongna holan Harajaon ni Debata do na boi mangulahon i. Jala i do tong na dihirim akka halak tikki dibahen muse PBB.

  • Bagan 3 sian 4 patuduhon akka surirang na masa sian taon 1945 sahat tu 1991. Uni Soviet dohot sekutuna ma na gabe raja utara sahat tu taon 1991, dung i digattihon Rusia dohot sekutuna. Raja selatan, i ma Kuasa Dunia Inggris-Amerika. Surirang 8: Bom atom na meledak patuduhon kehancuran na balga na dibahen Kuasa Dunia Inggris-Amerika. Surirang 9: Dibahen ma PBB taon 1945 lao manggattihon LBB. Gambar na asing: Surirang 1, toktong dope adong binatang buas na pitu uluna i. Surirang 5, toktong dope adong pat na sian bosi dohot tano liat. Surirang 6, di taon 1945 adong lobi sian 156.000 Sitindangi. Di taon 1991, adong lobi sian 4.278.000 Sitindangi. Akka peristiwa na diadopi naposo ni Jahowa: Sian taon 1945 sahat tu 1950-an, marribu Sitindangi di Uni Soviet diboan tu pengasingan di Siberia.
    Surirang 8.

    Ayat Dan. 8:23, 24

    Surirang Sahalak raja na jahat mambahen hasusaan na massai balga.

    Saut Inggris-Amerika mambunu godang halak jala mambahen godang hasusaan. Misalna tikki Porang Dunia II, didabuhon Amerika Serikat do dua bom atom tu sada negara na gabe musu ni Inggris-Amerika. Godang do na hancur alani bom i.

  • Surirang 9.

    Ayat Dan. 11:31; Pgk. 17:3, 7-11

    Surirang “Binatang buas na rara songon api” kaluar sian lombang jala manggombarhon raja na paualuhon. Sappulu tandukna pamatehon “boru-boru na so hasea”. Dung i binatang buas i pe dohot do gabe mate. Di bukku Daniel digombarhon do raja on gabe “ulaon na dihagigihon Debata na mambahen hancur”.

    Saut Dang adong be Liga Bangsa-Bangsa saleleng Porang Dunia II. Dung sae porang i, dibahen ma PBB. Songon Liga Bangsa-Bangsa i, PBB on pe marsitutu lao mambahen dame portibi on, hape holan Harajaon ni Debata do na boi mangulahon i. PBB on do haduan na lao mangaripasson akka agama.

  • Bagan 4 sian 4 patuduhon akka surirang na masa saleleng ari parpudi sahat tu Armagedon. Rusia dohot sekutuna ma na gabe raja utara. Raja selatan, i ma Kuasa Dunia Inggris-Amerika. Surirang 10: Akka pamaretta mandok ‘dame jala ndang adong be sihabiaran.’ Dung i, mulai ma hasusaan bolon. Surirang 11: Akka bangso menyerang sude agama palsu. Surirang 12: Akka bangso menyerang naposo ni Debata. Halak Kristen na miniahan na adong dope di tano on dipapungu tu surgo. Surirang 13: Armagedon. Jesus na hundul di hoda na bottar manaluhon akka musuna. Dihancurhon ma binatang buas na pitu uluna; songon i nang patung na balga dohot patna na sian bosi dohot tano liat. Gambar na asing: Surirang 1, binatang buas na pitu uluna toktong dope adong sahat tu Armagedon. Surirang 5, toktong dope adong pat na sian bosi dohot tano liat sahat tu Armagedon. Surirang 6, saonari adong lobi sian 8.580.000 Sitindangi. Akka peristiwa na diadopi naposo ni Jahowa: Di taon 2017, dipenjarahon pamaretta Rusia do akka Sitindangi jala disita do akka bangunan ni organisasi.
    Surirang 10 dohot 11.

    Ayat 1 Tes. 5:3; Pgk. 17:16

    Surirang Akka pamaretta pasahatton boa-boa “dame do jala ndang adong be sihabiaran!” Ro ma “sampulu tanduk” dohot “binatang buas” i lao menyerang “boru-boru na so hasea”. Dung i, diripasson ma akka bangso i.

    Saut Akka pamaretta mandok, nungnga dibahen nasida dame jala aman portibi on. Dung i, didukung akka bangso i ma PBB lao mangaripasson agama palsu. On ma mula ni hasusaan bolon i. Di ujung ni hasusaan bolon, diripasson ma sude pamarettaon ni portibi on di porang Armagedon.

  • Surirang 12.

    Ayat Hes. 38:11, 14-17; Mat. 24:31

    Surirang Ro ma Gog menyerang naposo ni Debata. Dung i, ro ma suru-suruan papunguhon “angka na tarpillit”.

    Saut Rap ma raja utara dohot akka pamarettaon na asing lao menyerang naposo ni Debata. Dung dimulai serangan on, dipapungu ma akka na miniahan na adong dope di tano on asa naek tu surgo.

  • Surirang 13.

    Ayat Hes. 38:18-23; Dan. 2:34, 35, 44, 45; Pgk. 6:2; 16:14, 16; 17:14; 19:20

    Surirang ‘Na hundul di hoda na bontar’ i “manaluhon” Gog dohot akka tentarana. Disappatton ma “binatang buas” i “tu laut api”, jala dirumpakkon ma patung na balga i.

    Saut Jesus na gabe Raja di Harajaon ni Debata ro lao paluahon akka naposo ni Debata. Rap ma ibana dohot 144.000 donganna dohot akka suru-suruan. Diripasson nasida ma akka bangso dohot portibi ni Sibolis on.

    Publikasi Bahasa Batak (Toba) (2013-2024)
    Kaluar
    Masuk
    • Batak (Toba)
    • Bagihon
    • Pengaturan
    • Copyright © 2024 Watch Tower Bible and Tract Society of Pennsylvania
    • Aturan Lao Mamakke
    • Kebijakan Privasi
    • Pengaturan Privasi
    • JW.ORG
    • Masuk
    Bagihon