Fluwa klikli nga Zan klɛli’n

3 Amun nian kɛ e Si Ɲanmiɛn klo e-ɔ!+ Ɔ maan be flɛ e i mma mun!+ Kɛ e ti sɔ kusu-ɔ. I sɔ’n ti yɛ mɛn nunfuɛ’m be siman e’n niɔn,+ afin be simɛn i.+ 2 Min sran kpa mun, siɛn’n e ti Ɲanmiɛn i mma mun.+ Sanngɛ wafa nga é wá káci’n, be nin-a yimɛn i nglo.+ E si kɛ, kɛ ɔ́ wá yí i wun nglo’n, é káci kɛ i sa. Afin é wún i kɛ ɔ fa ti sakpa’n. 3 Sran kwlaa nga i wla o i sɔ’n su kpa’n, ɔ yo i wun sanwun+ kɛ sran sɔ’n sa.

4 Sran kwlaa nga sa tɛ yolɛ’n ti i nzuɛn’n, mmla’n i fɔnlɛ’n ti i nzuɛn wie. Afin sa tɛ yolɛ’n ti mmla’n i fɔnlɛ. 5 Kusu amun si kɛ e sa tɛ’m be nunnunlɛ ti yɛ ɔ bali-ɔ.+ Yɛ sa tɛ nunmɛn i wun. 6 Sran kwlaa ng’ɔ nin i be o nun titi’n, sa tɛ yolɛ’n timɛn i nzuɛn.+ Sran kwlaa nga sa tɛ yolɛ’n ti i nzuɛn’n, nn w’a wunmɛn i, yɛ ɔ simɛn i. 7 Ba kanngan mun, nán sran fi laka amun naan amun mlin. Sran nga sa kpa yolɛ’n ti i nzuɛn’n, ɔ ti sran kpa kɛ sran sɔ’n sa. 8 Sran nga sa tɛ yolɛ’n ti i nzuɛn’n, ɔ ti Suɛn Tɔnfuɛ’n i liɛ. Afin kɛ ɔ fɛ i i bo bolɛ nun lele andɛ’n,* Suɛn Tɔnfuɛ’n yo sa tɛ.+ Like nga ti yɛ Ɲanmiɛn i Wa’n bali’n yɛle sa nga Suɛn Tɔnfuɛ’n yo’n be nunnunlɛ.+

9 Sran kwlaa ng’ɔ ti Ɲanmiɛn i wa’n, ɔ faman sa tɛ yolɛ’n kacimɛn i nzuɛn,+ afin Ɲanmiɛn wawɛ’n* wo sran sɔ’n i nun titi. Yɛ ɔ kwlá faman sa tɛ yolɛ’n kacimɛn i nzuɛn, afin ɔ ti Ɲanmiɛn i wa.+ 10 Sran ng’ɔ faman sa kpa yolɛ’n kacimɛn i nzuɛn’n, ɔ timan Ɲanmiɛn i wa. I kunngba’n yɛle sran ng’ɔ klomɛn i niaan’n. I lɛ nun yɛ e wun be nga be ti Ɲanmiɛn i mma mun nin be nga be ti Suɛn Tɔnfuɛ’n i mma mun’n be wlɛ-ɔ.+ 11 Afin kɛ ɔ fɛ i i bo bolɛ nun’n, ndɛ nga be kan kle amun’n yɛle kɛ maan e klo e wiengu.+ 12 Nán maan e yo kɛ Kaɛn mɔ klunwifuɛ’n sie i m’ɔ kunnin i niaan bian’n sa.+ ?Yɛ ngue ti yɛ ɔ kunnin i-ɔ? Ɔ kunnin i afin sa ng’ɔ yo be’n be timan kpa mlɔnmlɔn.+ Sanngɛ i niaan bian liɛ’n, sa ng’ɔ yo be’n be ti kpa.+

13 Aniaan mun, sɛ mɛn nunfuɛ’m be kpɔ amun’n, nán maan i sɔ’n bo amun nuan.+ 14 E si kɛ laa’n e ti kɛ sran mɔ b’a wu’n sa. Sanngɛ siɛn’n e o nguan nun,+ afin e klo e niaan mun.+ Sran ng’ɔ kloman sran’n ɔ ti kɛ w’a wu sa.+ 15 Sran kwlaa ng’ɔ kpɔ i niaan’n, ɔ ti sran kunfuɛ.+ Yɛ amun si kɛ sran kunfuɛ’n su ɲanman nguan m’ɔ leman awieliɛ’n.+ 16 Kɛ be se kɛ be klo sran’n, e wun i wlɛ. Afin e ti’n, sran sɔ’n fɛli i nguan’n mannin.+ Ɔ maan e kusu ɔ fata kɛ e niaan’m be ti’n, e fa e nguan’n e man.+ 17 ?Sanngɛ sɛ sran kun le mɛn nga nun ninnge mun naan ɔ wun kɛ i niaan wie i sa w’a mian naan ɔ timɛn i wun ɲanman nun’n, sran sɔ’n klo Ɲanmiɛn yɛ ɔ o lɛ-ɔ?+ 18 Ba kanngan mun, nán e kɛn i e nuan nun ngbɛn kɛ e klo sran. Nán e klo sran e nuan bui su.+ Sanngɛ maan e yi i sɔ liɛ’n i nglo e nzuɛn’n nun,+ yɛ maan i sɔ’n fin e awlɛn’n nun.+

19 Sɛ e yo sɔ’n, é wún i wlɛ kɛ e o nanwlɛ atin’n su. Kpɛkun é yó maan kɛ e o i ɲrun’n e wla gúa ase. 20 Kannzɛ bɔbɔ sa wie ti’n e klun akunndan’n bu e fɔ’n é yó sɔ, afin Ɲanmiɛn ti dan tra e klun akunndan’n, yɛ ɔ si sa kwlaa.+ 21 Min sran kpa mun, sɛ e klun akunndan’n buman e fɔ’n, kɛ é kán ndɛ é klé Ɲanmiɛn’n e klun titiman e.+ 22 Kpɛkun like kwlaa nga e srɛ i’n, ɔ́ fá mán e.+ Afin e fɛ i mmla’m be su, yɛ e yo like ng’ɔ ti kpa i ɲrun’n. 23 Yɛ i mmla’n yɛle kɛ maan e lafi i Wa Zezi Klisi su,*+ kpɛkun kɛ ng’ɔ seli e kɛ e yo’n sa’n, maan e klo e wiengu.+ 24 Sran ng’ɔ fɛ i mmla’n su’n, sran sɔ’n nin i be o nun,+ kpɛkun i kusu ɔ nin sran sɔ’n be o nun. Yɛ i wawɛ m’ɔ fa mannin e’n ti’n, e si kɛ ɔ nin e o nun.+