Salmo

 2 Sa mga puon nin alamo* na nasa tahaw niya,*

Isinabit mi an samuyang mga arpa.+

 3 Huli ta duman su mga nambihag sa samo naghahagad sa samuya nin kanta,+

Su mga nagtutuya-tuya sa samo gustong maglibang:

 4 Paano mi magigibong kantahon an kanta ki Jehova

Sa daga kan ibang nasyon?

 5 Kun malingawan taka, O Jerusalem,

Magin malilingawon* na man lugod an tuo kong kamot.+

 6 Lugod na an sakong dila dumukot sa ngaragngag ko

Kun dai taka gigirumdumon,

Kun an Jerusalem dai ko ibibilang

Na nakakalabi sa gabos kong dahilan nin kaugmahan.+

 7 Girumduma, O Jehova,

An sinabi kan mga Edomita kan aldaw na bumagsak an Jerusalem:

 8 O aking babayi nin Babilonya, na madali nang laglagon,+

Magigin maugma an saro na mabalos sa saimo

Kan arog kan pagtratong ipinanamit mo sa samo.+

 9 Magigin maugma an saro na maagaw kan mga aki mo

Asin mapusak sa sainda sa mga gapo.+