Surat ki Tito

1 Ako, si Pablo, sarong uripon nin Diyos asin apostol ni Jesu-Cristo kauyon kan pagtubod kan mga pinili nin Diyos asin kan tamang kaaraman mapadapit sa katotoohan, an katotoohan na kauyon kan debosyon sa Diyos 2 asin nakabasar sa paglaom na buhay na daing katapusan+ na haloy nang ipinanuga nin Diyos, na dai makakapagputik;+ 3 pero sa itinalaan niyang panahon, ihinayag niya an saiyang tataramon paagi sa paghuhulit na ipinagkatiwala sa sako+ uyon sa pagbuot kan satuyang Paraligtas, an Diyos. 4 Ki Tito, na ibinibilang kong tunay kong aki asin sakuyang kapagtubod:

Mapasaimo an daing kapantay na kabuutan asin katuninungan hali sa Diyos na Ama asin ki Cristo Jesus na satuyang Paraligtas.

5 Iwinalat taka sa Creta tanganing maasikaso mo an mga bagay na kaipuhan itanos* asin makapagnombra sa kada siyudad nin mga magurang sa kongregasyon, arog kan instruksiyon ko sa saimo: 6 kun igwa nin siisay man na lalaki na mayo nin mairereklamo laban sa saiya, agom nin sarong babayi, igwa nin mga aking nagtutubod na dai mairereklamo nin pagigin delingkuwente* o pagigin rebelyoso.+ 7 Huli ta bilang katiwala nin Diyos, an sarong paraataman dapat na mayo nin mairereklamo laban sa saiya, bakong sadiri sanang kagustuhan an sinusunod,+ bakong arangguton,*+ bakong buratsero, bakong bayolente,* bakong mahanab sa materyal na pakinabang, 8 kundi mapag-istimar,+ may pagkamuot sa karahayan, tultol an isip,*+ matanos, maimbod,+ may pagpupugol sa sadiri,+ 9 na nangangapot nin higot sa mapagkakatiwalaan na mensahe* kun manungod sa saiyang paagi nin pagtutukdo,+ tanganing makapagpakusog* siya paagi sa marahay* na katukduan+ asin magibo niyang magsaway+ sa mga nagkokontra.

10 Dakul kaya nin rebelyosong mga tawo, mga paraistorya nin daing kamanungdanan na mga bagay, asin mga paradaya, lalo na idtong mga nangangapot sa pagturi.+ 11 Kaipuhan na itikom an saindang nguso, huli ta pigraraot ninda an pagtubod kan bilog na mga pamilya paagi sa pagtukdo nin mga bagay na dai dapat itukdo para sana makakua nin materyal na pakinabang. 12 May saro sa sainda, na sadiri nindang propeta, an nagsabi: “An mga taga Creta anas kaputikan an pigtataram, garo mga maisugon na hayop, mga paslong hugakon.”*

13 Totoo an mga tataramon na iyan. Huli kaini, padagos mo sindang sawayon nin may kagabatan tanganing magin makusog an saindang pagtubod, 14 na dai nagtataong atensiyon sa mga gibo-gibo sanang istorya kan mga Judio asin sa mga pagbuot nin mga tawong minarayo sa katotoohan. 15 An gabos na bagay malinig sa mga tawong malinig;+ pero duman sa mga tawong naramugan asin dai nin pagtubod, mayo nin ano man na malinig, huling an saindang isip saka konsiyensiya parehong naramugan.+ 16 Hayag nindang sinasabi na midbid ninda an Diyos, alagad isinisikwal ninda siya paagi sa saindang mga gibo,+ huling makababaldi sinda asin masinuway saka bakong angay para sa ano man na marahay na gibo.