Salmo

Marahay an magkanta nin mga pag-umaw* sa satuyang Diyos;

Nakakaugmang marhay asin angay nanggad na umawon siya!+

 2 Itinutugdok ni Jehova an Jerusalem;+

Tinitipon niya an nagkasuruway-suway na mga taga Israel.+

 3 Binubulong niya an mga may pusong nalugadan;

Binebendahan niya an mga lugad ninda.

 4 Binibilang niya an mga bituon;

Inaapod niya sinda gabos sa saindang pangaran.+

 5 An satuyang Kagurangnan dakula asin makusog an kapangyarihan;+

An saiyang pakasabot dai nanggad masukol.+

 6 Ilinalangkaw ni Jehova an mga mahuyo,+

Pero ilinalampog niya sa daga an mga maraot.

 7 Magkanta nin may pasasalamat ki Jehova;

Magkanta nin mga pag-umaw sa satong Diyos, na sinasabayan nin arpa,

 8 An Saro na tinatahuban nin mga panganuron an kalangitan,

An Saro na nagtatao sa daga nin uran,+

An Saro na nagpapatubo nin mga duot+ sa kabukidan.

 9 An mga hayop tinatawan niya nin pagkakan,+

Pati an mga siwo pang uwak na nagsisiyap-siyap huling naghahagad kaiyan.+

10 Dai siya nauugma sa kusog kan kabayo;+

Ni napapahanga siya sa makusog na mga tabay nin tawo.+

11 Nauugma si Jehova sa mga may pagkatakot sa saiya,+

Sa mga naghahalat kan maimbod na pagkamuot niya.+

13 Pinapasarig niya an mga balagbag na pambarat sa mga trangkahan kan siyudad mo;

Binebendisyunan niya an saimong mga aki na yaon sa laog mo.

14 Nagdadara siya nin katuninungan sa saimong teritoryo;+

Binabasog ka niya nin pinakamarahay na klase* nin trigo.+

15 Isinusugo niya sa daga an pagbuot niya;

Marikas na minadalagan an tataramon niya.

16 Ipinapadara niya an niyebe na garo telang lana;*+

Iwinawarak niya an nagyeyelong ambon na garo mga abo.+

19 Ipinapahayag niya sa Jacob an saiyang tataramon,

Asin sa Israel an saiyang mga regulasyon asin mga ipinapautob na desisyon.+

20 Dai niya iyan ginibo sa arin man na iba pang nasyon;+

Mayo sindang aram manungod sa saiyang mga ipinapautob na desisyon.