ARTIKULONG PAG-AADALAN

Nasa espirituwal na paraiso ngunyan an mga lingkod ni Jehova sa daganon na kabtang kan saiyang organisasyon. Paano ta maipapahiling an satong lubos na pagpapahalaga sa probisyon na ini ni Jehova, asin ano an magigibo kan lambang saro sa sato tanganing mas mapagayon ini? Sisimbagon an mga hapot na iyan sa artikulong ini.

Ipapaliwanag kan artikulong ini an nagkapira sa nakakaugmang mga pangyayari sa maabot. Ipapahiling man kaini sa sato kun taano ta kayang atubangon kan banwaan nin Diyos an dakulang kahurasaan na may dakulang kumpiyansa na ililigtas sinda.

An dakul na tawo sa kinaban na ini ni Satanas maimbod sa saindang nasyon, kultura, o rasa. Pero an mga Kristiyano nanuga na magigin maimbod sinda ki Jehova. Sisiyasaton kan artikulong ini kun taano ta dai kita nakikiaram sa mga kontrobersiya sa kinaban asin kun paano ta sasanayon an satong isip saka konsiyensiya na papagdanayon an Kristiyanong neutralidad.

Nagtitiripon an mga lingkod ni Jehova sa manampulong ribong mga Kingdom Hall asin iba pang mga pasilidad sa bilog na kinaban para sa pagsamba sa saiya. Sa artikulong ini, pag-uulayan ta an mga prinsipyo sa Bibliya na makakatabang sa sato na maaraman kun paano mamansayon, susuportaran sa pinansiyal, asin mementenaron an mga lugar na ini nin pagsamba—gabos para sa kamurawayan ni Jehova.