Pagpauswag kan Satong Kakayahan sa Ministeryo—Pag-alok kan Librong Itinotokdo kan Biblia

Kun Taano ta Mahalaga: An librong Itinotokdo kan Biblia an saro sa panginot na kasangkapan sa satong toolbox sa pagtutukdo. Pero, para magamit ta iyan sa pagtutukdo sa iba, kaipuhan nguna na magkaigwa sinda kaiyan. Kaya, gabos kita dapat na maghinguwang magin mahusay sa pag-alok kan librong iyan sa ministeryo. (Tal. 22:29) Dakul na paagi kun paano iyan iaalok, pero puwedeng gamiton kan mga parahayag an arin man na sa hiling ninda epektibo.