“Kukuanon Ko an Babasahon Mong Iyan, Kun Kukuanon Mo Man Ining Sako”

May mga kagharong na nagsasabi kaiyan. Dahil dai ta iriniribay an literatura ta sa mga babasahon na nagpapalakop nin salang mga katukduan, paano kita mataktikang masimbag? (Roma 1:25) Puwede tang sabihon: “Salamat. Puwede daw maaraman kun ano an sinasabi kaiyan dapit sa solusyon sa problema kan katawuhan? [Pasimbagon. Kun sabihon niyang basahon mo an literatura ninda para maaraman mo an simbag, puwede mong ipagirumdom na bago mo inalok an satong babasahon, sinabi mo nguna sa saiya an laog kaiyan. Saka basahon o kotaron an Mateo 6:9, 10.] Ipinahiling ni Jesus na an Kahadian nin Diyos an masagibo kan kabutan nin Diyos digdi sa daga. Kaya, an binabasa ko sana mga babasahon na manungod sa Kahadian nin Diyos. Puwede ko daw ipahiling sa saindo sa Bibliya an nagkapira sa gigibuhon kan Kahadian nin Diyos?”