Kun Paano Makondukta nin Pag-adal Gamit an Brosyur na Maogmang Bareta

  Basahon an may numerong hapot na naka-bold para tabangan an kagharong na magpokus sa panginot na punto.

  Basahon an kasunod na parapo.

  Basahon an nakaitalikong mga teksto asin maggamit nin mataktikang mga hapot para tabangan an kagharong na mahiling kun paano sinisimbag kan mga teksto an may numerong hapot.

  Kun may iba pang parapo sa irarom kan hapot, utruhon an lakdang 2 asin 3. Kun may video sa jw.org na konektado sa may numerong hapot, i-play iyan sa angay na pagkakataon durante kan pag-uulay nindo.

  Para masiyerto na nasabutan kan kagharong an panginot na punto, ipasimbag sa saiya an may numerong hapot.