• An Bendisyon ni Jehova sa Satong “Daga”
    An Torrengbantayan—1999 | Marso 1

    • 4, 5. Paano an hula ni Joel mapadapit sa sarong salog kaagid kan ki Ezequiel, asin taano ta makahulogan ini?

      4 An magayon na hulang ini tibaad nagpagirumdom sa desterradong mga Judio kan saro pang hula na isinurat nin mas naenot nin duwang siglo: “Sa harong ni Jehova may maluwas na burabod, asin dapat na patubigan kaiyan an kababan kan sapang masulog kan Mga Kahoy na Akasia.”a (Joel 3:18) An hula ni Joel, arog kan ki Ezequiel, nagsasabi bago pa na may salog na mabolos hale sa harong nin Dios, an templo, asin matao nin buhay sa marang rehion.

      5 An The Watchtower haloy nang nagsasabi na an hula ni Joel naootob sa satong panahon.b Kun siring, segurado na iyo man an kaagid na bisyon ni Ezequiel. Sa ibinalik sa dating daga kan banwaan nin Dios ngonyan, arog kaidto sa suanoy na Israel, tunay na buminolos an mga bendisyon ni Jehova.