Ukulongana kwa Mulimo Ukwa September

Umulungu wa Kutampa September 2

Ulwimbo 98

12 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Koselesheni bonse, no kucilisha bakatungulula ba Masambililo ya Citabo pa Cilonganino, ukupituluka mu cipande ca mu Ubutumikishi Bwesu Ubwa Bufumu ubwa September 1992 icaleti “Ukusambilila Umuntu Wakulisha Uwabalile Abako uwa Mweo.” Komaileni pa fishinka fikalamba ifya cipande.

15 min: “Endeleni mu Kutetekela.” Ifipusho ne fyasuko.

18 min: “Ukushimikila Imbila Nsuma ne Mibele ya Mutima Iyashininkishiwa.” Landeni ifyebo fya kutendekelako ifishimpilwe pali paragrafu 1. Nga ca kuti icilonganino nacikwata ifitabo fya Ubumi bwa Lupwa, ifi filingile ukubomfiwa intanshi. Lyene landeni fye pa maparagrafu 2-5 aya cipande. Langilileni inshila ya kulandilamo iyapekanishiwa bwino iyo ilelanga ifya kutambika icitabo ca Ikala Kuli Pe na pe ne ca Ubumi bwa Lupwa, ifya kubwelelako, no kutendeka isambililo mu citabo ca Ukwishiba.

Ulwimbo 48 ne pepo lya kusondwelela.

Umulungu wa Kutampa September 9

Ulwimbo 18

12 min: Ukubilisha kwa pa mwenu. Lipoti wa ndalama. Landeni pa cipande cileti “Shimikileni Ubufumu.”

18 min: Pitulukeni muli Lipoti wa Mwaka wa Mulimo uwa 1996 uwa Cilonganino. Ilyashi lya kukuulilila, ilya kucincimusha na kangalila wa mulimo. (Moneni icitabo ca Ubutumikishi Bwesu, amabula 100-2.) Londololeni umo icilonganino cabombele bwino, kabili batasheni. Langeni fintu imibombele ya bupainiya bwa nshita yonse no bwa kwafwilisha yaluminisha umulimo mu cifulo cenu. Lumbuleni impendwa ya basangwa ku kulongana, ukukomaila pa bucindami bwa kusangwa lyonse ku kulongana. Londololeni amabuyo ayo icilonganino cingesha ukufikapo mu mwaka uleisa.

15 min: “Ukushimikila Imbila Nsuma ne Mibele ya Mutima Iyashininkishiwa.” Pitulukeni mu maparagrafu 6-8 epela. Kwateni icilangililo icipi cimo nelyo fibili ukulangilila fintu inshila sha kulandilamo ishitubulwilwe shingabomfiwa. Koselesheni bonse ukubwelelako mu kwangufyanya.

Ulwimbo 123 ne pepo lya kusondwelela.

Umulungu wa Kutampa September 16

Ulwimbo 10

15 min: Ukubilisha kwa pa mwenu. Lumbuleni ifya kufumamo fyawamisha mu kubomfya vidio wa Jehovah’s Witnesses—The Organization Behind the Name ku kutungulula abalesekelela ku kuteyanya. Mu kwipifya shimikeni ica kukumanya cimo nelyo fibili ukufuma mu Ulupungu lwa kwa Kalinda ulwa October 1, 1992, amabula 30-1.

15 min: “Beni ica Kumwenako mu Misosele na mu Mibele.” Ifipusho ne fyasuko.

15 min: Imyendele ya Bwina Kristu pa Sukulu. Wishi alanda no mwana wakwe umwaume nelyo mwanakashi ku kulondolola ifimfokonshi fyabipisha pa sukulu; akomaila pa kukabila kwa kuba abapempwila ku kubishanya no kusengauka imibombele yatwishikwa. Apituluka mu mukululo pe bula 24 muli broshuwa wa Amasomo no kulondolola ukukabila kwa kwimika ica kumwenako cisuma pamo nga Inte. Wishi alumbula amatunko yamo ayesako ayabimbamo ukubomfya imiti ikola, ukwishishanya, ukusangwa mu tubungwe, nelyo ukwangalako mu fyangalo; balanshanya ifya kusengauka amafya. Wishi akoselesha umusepela ukukanashingashinga mu kuuba muli wene lintu akwete amafya—alefwaya ukwishiba no kwaafwa.

Ulwimbo 32 ne pepo lya kusondwelela.

Umulungu wa Kutampa September 23

Ulwimbo 21

10 min: Ukubilisha kwa pa mwenu. Cinkuleniko abo bengakumanisha ukusangwila kuli bamagazini ne fitabo fipeelwa kuli bamunyina abali mu kukabila. Lanshanyeni icipande cileti “Bushe Kuti Mwayasuka?”

15 min: Ukukabila kwa pa mwenu. (Nelyo ilyashi lishimpilwe pa cipande cileti “Lolesha Bushilya bwa Fintu Ulepitamo!” mu Ulupungu lwa kwa Kalinda ulwa February 15, 1996, amabula 27-9.)

20 min: “Shimikileni Imbila Nsuma Apali Ponse.” Ifipusho ne fyasuko. Londololeni amaparagrafu 1-15 epela. Belengeni amaparagrafu 3 na 5. Sanshenimo ifya kukumanya fya mu cifulo cenu ifya abo abatunguluka mu kushimikila mu musebo nelyo pa myendele ya cintubwingi.

Ulwimbo 215 ne pepo lya kusondwelela.

Umulungu wa Kutampa September 30

Ulwimbo 171

12 min: Ukubilisha kwa pa mwenu. Landeni pa Umukululo wa Fipusho.

20 min: “Shimikileni Imbila Nsuma Apali Ponse.” Ifipusho ne fyasuko. Londololeni amaparagrafu 16-35. Langilileni fintu imitubululo ingabomfiwa mu cifulo ca ku mwenu. Langilileni amaparagrafu 23-5. Belengeni amaparagrafu 34-5.

13 min: Pitulukeni mu Lupapulo lwa Kutambika Ulwa October. Tukalatambika ukulembesha bamagazini ba Ulupungu lwa kwa Kalinda na Loleni! Landeni pa fishinka fyalekanalekana, pamo nga: (1) Imifwaile intu bamagazini basabankanishiwilwa, nga fintu calondololwa mu mabula ya kwiswila. (2) Basabankanishiwa mu ndimi ishingi, ukulenga ukwishiba Baibolo ukubako mwi sonde lyonse. (3) Ulupungu lwa kwa Kalinda lwapekanishiwilwa isambililo lya muntu umo umo, ilya lupwa, ne lye bumba. (4) Abantu ababishanya ne mipepele yapusanapusana balababelenga. (5) Tukatwala bamagazini ba nomba line ku uuli onse uyo mu kufumaluka ulefwaya ukubabelenga. (6) Ukucilisha bapekanishiwilwa abantu bapamfiwa. (7) Ulupungu lwa kwa Kalinda lwalisabankanishiwa ukutula mu 1879, Loleni! ukutula mu 1919. Sondweleleni pa kushimika ifyo kabelenga utasha alandilepo.—Moneni Ulupungu lwa kwa Kalinda ulwa April 15, 1986, ibula 32.

Ulwimbo 3 ne pepo lya kusondwelela.