Jajes

2 Biaen enjel blong Jehova+ i aot long Gilgal+ i go long Bokim mo i talem long ol man Isrel se: “Mi mi tekemaot yufala long Ijip i kam long graon ya we mi promes long ol olfala blong yufala.+ Mo tu mi talem se: ‘Bambae mi neva brekem kontrak we mi mekem wetem yufala.+ 2 Be long saed blong yufala, yufala i no mas mekem kontrak wetem ol man we oli stap long graon ya,+ mo yufala i mas brekemdaon ol olta blong olgeta.’+ Be yufala i no obei long tok blong mi.+ ?From wanem yufala i mekem olsem? 3 From samting ya, mi talem tu se: ‘Bambae mi mi no ronemaot olgeta long fes blong yufala,+ mo olgeta bambae oli ravem yufala,+ mo ol god blong olgeta bambae oli trikim yufala mo lidim yufala i go longwe.’”+

4 Taem enjel blong Jehova i talem ol tok ya long ol man Isrel, olgeta evriwan oli stat blong krae bigwan. 5 Taswe oli putum nem blong ples ya se Bokim,* mo oli mekem sakrefaes i go long Jehova long ples ya.

6 Taem Josua i sanemaot ol laen blong Isrel, olgeta wanwan oli go stap long ol graon we oli givim long olgeta.+ 7 Long taem we Josua i laef yet, ol laen blong Isrel oli gohed blong wosipim Jehova. Mo afta we Josua i ded, olgeta oli stap holem fasin ya yet, gogo kasem taem we ol lida ya we oli bin luk ol bigbigfala wok we Jehova i mekem long ol man blong hem, oli ded evriwan.+ 8 Biaen, man blong wok blong Jehova, Josua we i boe blong Nun, i ded. Mo taem hem i ded, hem i gat 110 yia.+ 9 Ale oli berem hem long teritori blong hem long Timnat-hires,+ long rijen blong ol hil blong Efrem, long not blong Hil Ya Gahas.+ 10 Biaen evriwan long jeneresen ya oli ded, mo narafala jeneresen we i kam biaen long olgeta, oli no save Jehova mo ol samting we hem i mekem long ol man Isrel bifo.

11 Taswe ol laen blong Isrel oli mekem ol samting we i nogud long fes blong Jehova, mo oli wosipim* ol Bal.+ 12 Yes oli lego Jehova God blong ol papa blong olgeta, we i tekemaot olgeta long Ijip.+ Mo oli folem ol narafala god, hemia ol god blong ol man we oli stap raonabaot long olgeta+ mo oli bodaon long ol god ya, nao oli mekem Jehova i harem nogud tumas.+ 13 Oli lego Jehova mo oli wosipim Bal mo ol pija blong god ya Astoret.+ 14 Nao Jehova i kros long ol man Isrel, taswe hem i letem olgeta oli go long han blong ol man blong stil, nao oli stap mekem i strong tumas long olgeta mo oli karemaot olting blong olgeta.+ Hem i putum* olgeta oli go long han blong ol enemi we oli stap raonabaot long olgeta,+ mo oli no moa save stanap agensem ol enemi blong olgeta.+ 15 Mo long eni ples we oli go long hem, Jehova i agensem olgeta, i mekem ol trabol i kasem olgeta+ stret olsem we Jehova i talem bifo, mo stret olsem we Jehova i promes long olgeta.+ From samting ya, oli stap harem nogud tumas.+ 16 Nao Jehova i putumap sam jaj blong oli tekemaot olgeta long han blong ol man we oli stap kam tekemaot olting blong olgeta.+

17 Be olgeta oli no wantem lesin nating long ol jaj ya, mo oli olsem prostitut, oli stap go wosipim ol narafala god mo oli stap bodaon long olgeta. Oli kwik blong tanem baksaed long rod we ol olfala blong olgeta oli folem, hemia ol olfala blong olgeta we bifo oli stap obei long ol komanmen blong Jehova.+ Olgeta oli no mekem olsem olgeta ya. 18 Taem Jehova i putumap ol jaj blong lidim olgeta,+ Jehova i stap wetem ol jaj ya wanwan, nao i tekemaot ol man Isrel long han blong ol enemi we oli stap long taem blong jaj ya. Jehova i sore tumas long olgeta,*+ taem hem i luk we oli stap krae from ol nogud samting we ol enemi oli mekem long olgeta,+ mo from we ol narafala oli stap tritim nogud olgeta.

19 Be taem jaj we i stap lidim olgeta i ded, olgeta oli mekem ol nogud fasin ya bakegen, be oli mekem ol fasin we i nogud moa i bitim ol papa blong olgeta. Oli stap folem ol narafala god, oli mekem wok blong olgeta, mo oli stap bodaon long olgeta.+ Oli stronghed mo oli no lego ol nogud fasin blong olgeta. 20 From samting ya, Jehova i kros tumas long olgeta+ ale hem i talem long olgeta se: “From we nesen ya i brekem kontrak we mi mi mekem+ wetem ol olfala blong olgeta, mo olgeta oli no obei long mi,+ 21 bambae mi no save tekemaot ol narafala nesen ya we oli stap yet, we Josua i no bin ronemaot olgeta taem hem i laef.+ 22 Mi mekem olsem blong traem ol man Isrel blong luk se bambae oli gohed blong folem rod blong Jehova,+ olsem we ol papa blong olgeta oli mekem no nogat.” 23 Taswe Jehova i letem ol nesen ya oli stap. Hem i no ronemaot olgeta kwiktaem, mo i no putum olgeta long han blong Josua.