26 Long taem ya Josua i mekem wan strong promes,* i se: “Sipos wan man i kam bildim bakegen taon blong Jeriko, Jehova bambae i panisim hem. Sipos hem i putum fandesen blong hem, fasbon blong hem bambae i mas ded, mo sipos hem i wokem ol doa blong hem, lasbon blong hem bambae i mas ded.”+

34 Long taem we Ehab i stap rul, man Betel ya Hiel i wokem gud Jeriko bakegen. Taem hem i stap wokem fandesen blong hem, Abiram we i fasbon blong hem i ded, mo taem hem i stap putum ol doa blong hem, lasbon blong hem Segub i ded. Hemia i folem tok we Jehova i bin talemaot tru long Josua we i boe blong Nun.+