17 Solomon i wokem gud* Gesa, mo Betoron Daon,+ 18 Bahalat,+ mo Tamara we i stap long draeples, insaed long teritori blong hem, 19 wetem olgeta taon blong Solomon blong putumgud ol samting long hem, ol taon blong jariot blong hem,+ ol taon blong ol man we oli ron long hos, mo eni samting we hem i wantem bildim long Jerusalem, long Lebanon, mo long olgeta ples we hem i rulum.

15 King Solomon i wokem 200 bigfala sil long gol we oli miksim wetem wan narafala aean+ (long wan sil, hem i yusum 600 sekel* blong gol we oli miksim wetem wan narafala aean),+ 16 mo 300 smol sil* we hem i wokem long gol we oli miksim wetem wan narafala aean (long wan sil hem i yusum tri mina* blong gol). Biaen hem i putum ol samting ya insaed long Haos Blong Ol Tri Blong Lebanon.+