32 “Mo sipos wan man blong narafala kantri we i no wan man Isrel, hem i stap long wan kantri longwe nao i kam from we hem i harem nius blong nem blong yu,*+ mo from strong han blong yu, mo samting we yu mekem taem yu stretem han blong yu, nao hem i kam mo i lukluk i kam long haos ya mo i prea,+ 33 nating se yu stap long ples blong yu long heven, be i gud yu lesin i kamdaon, mo yu mekem olgeta samting we man blong narafala kantri ya i askem, olsem nao bambae olgeta man long wol oli save nem blong yu+ mo oli fraet long yu olsem we ol man Isrel oli mekem, mo bambae oli save se nem blong yu i stap long haos ya we mi mi wokem.