Ol Fastok

Blong Statem ol Baebol Stadi Long Fas Sarede Long Manis Julae

“Yumi evriwan i gat ol famle no ol fren we oli ded. ?Yu yu ting se wan dei bambae yu luk olgeta bakegen? [Yu letem man i ansa.] Yu traem luk tok ya we i save leftemap tingting blong yumi.” Yu save ridim mo tokbaot haf we i stap aninit long smol stamba tok long pej 20, long Wajtaoa blong Julae.” Yu givim magasin mo yu mekem plan blong kambak bakegen, blong tokbaot ansa blong kwestin we i kam biaen.

Wajtaoa Julae 1

“Plante long yumi oli traehad blong kasem ol samting we oli nidim long laef, be sam man oli no gat ol samting ya nating. ?Yu yu ting se, bambae i gat wan taem we i no moa gat ol puaman? [Yu letem man i ansa. Biaen yu ridim Ol Sam 9:18.] Magasin ya i tokbaot ol samting we oli mekem man i pua, mo Baebol i talem se God bambae i winim problem ya blong olwe.”

Wekap! Julae

Yu save tokbaot wan disasta we i kamaot long nius. Biaen yu askem se: “?From wanem God i letem ol nogud trabol ya oli kamaot? ?Wanem tingting blong yu? [Yu letem man i ansa.] Baebol i talem se God i sore long olgeta we oli safa. [Yu save ridim Eksodas 3:7.] Mo tu, Baebol i talemaot from wanem God i letem man i safa, mo se i no longtaem, bambae hem i finisim ol trabol ya blong olwe. Magasin ya i eksplenem samting ya.”