Friday, April 10
U miẹn vbene uhi ruẹ yẹẹ mwẹ hẹ, te I wa muẹn roro ne ebi ro.—Psm 119:97.
Ẹghẹ ke ẹghẹ ne u ya tie Baibol, ọ khẹke ne u hia ne u gha rhie emwi ne u ruẹ ye uyinmwẹ. Ako ne u rhirhi gha tie vbe Baibol, u ghi nọ egbuẹ wẹẹ, ‘Vbia khian ya rhie emwi ne I tie re ye uyinmwẹ nian, ra vbe odaro?’ Gia kha wẹẹ, ebe 1 Tẹsalonaika 5:17, 18 ẹre u tie re. U gha ghi tie ako eva na fo nẹ, u sẹtin muẹn roro vbene u kpẹkpẹ sẹ hẹ vbe erhunmwu, kevbe deghẹ ekhọe hia ẹre u ya na erhunmwu. U sẹtin vbe muẹn roro emwi eso ne Osanobua he ru nuẹn ne u gbọyẹmwẹ yi. U sẹtin gualọ emwi eha ne u gha hoo ne u kpọnmwẹ e Jehova yi. Ọ gha khọnrẹn wẹẹ, ovbi ẹghẹ kherhe ẹre u ya sẹtin mu Ẹmwẹ Osanobua roro vbenian, ọ gha ru iyobọ nuẹn ya gha re ọmwa nọ họn Ẹmwẹ Osanobua kevbe nọ yae ru emwi. Muẹn roro, ere ne u gha miẹn deghẹ u na gha ru emwi vbenian vbe ẹdẹgbegbe vbe u ghaa tie Baibol! U ghi do gha re ọmwa nọ gele ya Ẹmwẹ Osanobua ru emwi. w24.09 4-5 ¶9-10
APRIL 6-12
AIZAIA 50-51
Ihuan 88 Kevbe Erhunmwu | Ẹmwẹ Ọghe Omuso (Ifuanro 1)
1. Danmwehọ Ọmwa Nii Ne Osanobua Ma Ẹre Emwi
(Ifuanro 10)
Vbene Jesu te gha die agbọn na, e Jehova keghi ma ẹre emwi (Aiz 50:4; kr 182 ¶5)
Te Jesu wa mu egbe nọ ya ruẹ emwi (Aiz 50:5; cf 133 ¶13)
Emwa ni mu ohan e Jehova keghi danmwehọ e Jesu (Aiz 50:10; Jọn 10:27)
EMWI NỌ KHẸKE NE U MU RORO: Vbe na ghee Jesu, vbia khian ya rhie ẹre ma hẹ wẹẹ, I mu egbe ne Jehova ma mwẹ emwi?—1 Pita 2:21.
2. Emwi Ewe Ọghe Orhiọn
(Ifuanro 10)
Aiz 51:1—Vbe ima yayi wẹẹ, a ya ẹmwẹ nọ rre ako na kha? (it ‘Ehe Ra Uye Na Na Fian Okuta’ ¶2)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Aiz 50:1-11 (th iruẹmwi 2)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ẸGHẸ KE ẸGHẸ. Tama ọmwa ne uwa gba winna vbekpa Ugie Ayere. (lmd iruẹmwi 2 uhunmwu ẹmwẹ 4)
5. Rhie Obọ Lelẹe
(Ifuanro 4) KE OWA YA SẸ OWA. Nene ọmwa rrie Ugie Ayere. Tie ẹre gha die iko nọ ghi lelẹe. (lmd iruẹmwi 9 uhunmwu ẹmwẹ 4)
6. Rhan Otọ Emwi Ne U Yayi
(Ifuanro 5) Orhiema. ijwbq uhunmwuta 140 ¶4—Uhunmwuta: Ọmwa Gha Ya E Jesu Yi, Ọni Ọkpa Wa Sẹ Nọ Gha Yae Miẹn Fan Ra? (lmd iruẹmwi 11 uhunmwu ẹmwẹ 5)
Ihuan 99
7. Evba Gualọ Vbe Iko
(Ifuanro 15)
8. Iruẹmwi E Baibol Ọghe Iko
(Ifuanro 30) lfb omuso ọghe abọ 12 kevbe iruẹmwi 74-75