HIKÉCO 4

Lùmbaka Lwa’é Twahùlù’ùndéléla Iba na Bibiliya Tafsiri ya Ulimwengu Mpya?

Bibiliya ya lùbalé’o ya Tafsiri ya Ulimwengu Mpya ya Maandiko Matakatifu yahùlùhùlanyibwa

Batù balé mùlola Tafsiri ya Ulimengu Mpya ya Maandiko Matakatifu m Congo (Kinshasa) — Congo (Kinshasa)

Bibiliya Tafsiri ya Ulimengu Mpya Maandiko ya Matakatifu yahùlanyibwe ù’o Rwanda — Rwanda

Salango ca Symmachus cilé na cina lya Abeca m’m étabo ’ya Nyémbo 69:31, hasambéla mwa’a wa 201 na 300 hange mwa’a wa 301 na 400 hanuma na ù’wa ’wa Kélésitù

Ù bikyanga bya mya’a manga, Bashingwa-Misahi ba Yehofa bahùlù’ambya, ifyatùla, na ikabùléla batù ngalùci ca hùsana- hùsana ca Bibiliya. Shi’éta, twamonine nibo bilé byangéne i’éta na iba na bùkalùci bwa mmbésé bwa Bibiliya lùmbaka tù’watéléce batù ihikéla byangéne manga na ‘imanya ma’enda ma benebene’ ité byaa’ùnda Abeca mtù hose amanye. (1 Timoteo 2:3, 4, NW) Ù bibyo, m mwa’a wa 1950, twabalé’ile ihùlanya bibangyù-bibangyù Bibiliya yetù yabùcibwa Tafsiri ya Ulimwengu Mpya (Bùkalùci bwa Ésé ’ya Mmbésé) ya Engelesa m’m atendeci a cino suku. Ùhùca lùno lusuku, hékyo Bibiliya ya Engelesa yahùkalùlwa ù ngyéla hélé bùlùlé na éshilé na mbeba yose hange ma’osa m tùtendeci twahétana 130.

Bibele byangéne iba na bùkalùci bwa Bibiliya yahùha imanya. Bilya bilé mùkéléléla mya’a ù mbele tùtendeci twa manga neto tùlé mùkalù’a, na ngalùci ca manga ca Bibiliya tacile bwasebwase hange cilé na makambo ma ale makùma imanya. Ng’ine, salango ca ale ca Bibiliya cishilé na mbeba yose hange ma’osa na cahikana na salango ca lùbalé’o camone’ile, na bibyo cina’watéléca imanya byangéne manga tùtendeci twa Ehébulaniya, Ealamu na Ekiliki.

Bibele byangéne iba na bùkalùci bwa Bibiliya bùlé bùlùlé ù ikambo lya Abeca. Bakalùci ba Bibiliya baacelela inyémya salango ca ale cilya cahùlùlombolwa na mtéma wammaha wa Abeca. Shi’éta, m ngalùci manga ca Bibiliya, cina lya Abeca, Yehofa, talyalocibwa m cico Salango ca Mmaha, lélé itenda, Bibiliya.

Bibele byangéne iba na Bibiliya yanyémya wake Mtùngi. (2 Samwele 23:2) M Bibiliya ya Tafsiri ya Ulimwengu Mpya, cina lya Yehofa lyahotocilwe hatù halébele ng’endo 7 000 bino m salango ca ale manga ca Bibiliya ité bilya byalocibwa na alolelo alé haho hamanda. (Nyémbo 83:18, NW) Lùmbaka Bakalùci ba hékyo Bibiliya bahùlù’ihangana m mya’a manga ilonda-londa misahù, hékyo Bibiliya yasohakéca isoma, lùmbaka yakalùla bwasébwasé malénga ma Abeca. Anga hùlé na Tafsiri ya Ulimwengu Mpya m obe atendeci hange tùlé neyo, twa’ùsùngùla iba na ngolobelo ya isoma Ikambo lya Yehofa lusuku ù lusuku.—Yoshua 1:8; Nyémbo 1:2, 3.

Lùmbaka lwa’é twamonine nibo bilé byangéne iba na bùkalùci bwa mmbésé bwa Bibiliya?
Mtù hose waa’ùnda ùhikéla bilya byaashima Abeca, acelela iba na ngolobelo beni yangéne lusuku ù lusuku?