Masmur

145 O Dibataku, Rajaku, kumuliaken pagi Kam,+

Kupuji pagi gelarNdu seh rasa lalap.+

 2 Kupuji pagi Kam gedang-gedang wari,+

Kupuji pagi gelarNdu seh rasa lalap.+

 3 Jahwe luar biasa janah patut kel ipuji,+

KemulianNa la terselidiki.*+

 4 Puji kalak pagi pendahinNdu arah jaman ku jaman,

Ceritakenna pagi kerna perbahanenNdu si luar biasa.+

 5 Ceritaken kalak e pagi kerna kemulianNdu ras uga hebatna pemerentahenNdu,+

Janah kuukuri pagi perbahanenNdu si luar biasa.

 6 Ceritaken kalak e pagi kerna kuasaNdu* si luar biasa,

Janah kuberitaken pagi kemulianNdu.

 7 Sanga inget kalak e uga belinna kiniulinNdu, pujin kalak e maler bagi mata lau,+

Janah ersurak pagi kalak e perban keadilenNdu.+

 8 Jahwe mehuli ras perkuah,+

La nukah merawa janah dem alu kekelengenNa si setia.+

 9 Mehuli kap Jahwe man kerina si nggeluh,+

Janah mekuah ateNa kerina si ciptakenNa.

10 O Jahwe, kerina si ciptakenNdu muji Kam pagi,+

Janah umatNdu si setia muji Kam pagi.+

11 Beritaken kalak e pagi kemulian kerajanNdu,+

Janah cakapken kalak e kerna kuasaNdu,+

ל [Lamed]

12 Gelah teh manusia kerna perbahanenNdu si luar biasa,+

Bage pe kemulian kerajanNdu si luar biasa.+

13 KerajanNdu tahan seh rasa lalap,

Janah pemerentahenNdu lit arah jaman ku jaman.+

14 Pegegehi Jahwe kerina kalak si nandangi ndabuh,+

PegegehiNa kalak si susah.+

15 Kerina si nggeluh ngarap man baNdu,

BereNdu kalak e pangan bas waktuna.+

16 BukaNdu tanNdu,

SehkenNdu sura-sura kerina si nggeluh seh asa puas.+

17 Lalap lakoken Jahwe kai si benar,+

Janah setia Ia bas kerina si lakokenNa.+

18 Ndeher kap Jahwe man kerina si erlebuh man baNa,+

Eme kerina kalak si erlebuh man baNa bas kebenaren.*+

19 SehkenNa sura-sura kerina si mbiar man baNa seh asa puas,+

BegikenNa sora kalak e mindo penampat janah selamatkenNa kalak e.+

20 Jaga Jahwe kerina si engkelengi Ia,+

Tapi kernepkenNa kerina kalak si jahat.+

21 Kupuji pagi Jahwe,+

Mbera-mbera kerina si nggeluh muji gelarNa si badia seh rasa lalap.+