Masmur

Man peminpin musik. Guna iiringi alat musik si ersenar. Sada masmur. Sada lagu.

67 Mekuah pagi ate Dibata man banta, pasu-pasuNa pagi kita,

BuktikenNa pagi maka meriah ukurNa ras kita,+ (Sela)

2 Gelah sebelang doni nandai dalanNdu,+

Ras kerina bangsa meteh kerna keselamaten arah Kam nari.+

3 O Dibata, mbera-mbera kerina bangsa muji Kam,

Mbera-mbera kerina bangsa muji Kam.

4 Mbera-mbera meriah ukur bangsa-bangsa janah ersurak kalak e,+

Sebap hakimiNdu kalak e alu adil.+

Tegu-teguNdu pagi bangsa-bangsa si lit i doni. (Sela)

5 O Dibata, mbera-mbera bangsa-bangsa muji Kam,

Mbera-mbera kerina bangsa muji Kam.

6 Bereken doni pagi hasilna,+

Dibatata pagi si masu-masu kita.+

7 Pasu-pasu Dibata pagi kita,

Kerina bangsa i doni mbiar* pagi man baNa.+