Kuan-kuanen

11 Ciga ate Jahwe timbangen si la pas,*

Tapi ngena ateNa timbangen si pas.*+

 2 Adi sekalak jelma melebesa, ihina pagi ia,+

Tapi kepentaren lit bas kalak si meteh bana.+

 3 Kalak si bujur itegu-tegu kesetianna,+

Tapi penghianat hancur iban kelicikenna.+

 4 Kebayaken* la erguna bas wari rawa Dibata,+

Tapi perbahanen si benar nelamatken kalak arah kematen.+

 5 Perbahanen kalak si benar, erban dalanna pinter,

Tapi kalak jahat ndabuh perban kejahatenna.+

 6 Perbahanen kalak si bujur nelamatken ia,+

Tapi penghianat terjerat sura-surana.+

 7 Adi mate kalak jahat, arapenna pe kernep,

Gegeh si andalkenna bene ras arapenna.+

 9 Ranan kalak murtad,* erban bene kalak si deban,

Tapi pemeteh erban kalak si benar iselamatken.+

10 Kiniulin kalak si benar, erban sada kota ermeriah ukur,

Janah sanga kernep kalak jahat, lit surak ermeriah ukur.+

11 Adi kalak si bujur ipasu-pasu, kota jadi terkenal,*+

Tapi ranan kalak jahat ngeruntuhken kota e.+

12 Kalak si kurang pengertinna, la ergaina* kalak si deban,

Tapi kalak situhu-tuhu erpengertin, tetap ia sinik.+

13 Tukang pitnah lawes ku jah ku je nceritaken rahasia kalak,+

Tapi kalak si terteki* tetap jagana rahasia.

14 Adi la lit petunjuk si mehuli, susah akap kalak,

Tapi adi melala penasehat, berhasil* me dungna.+

15 Ise pe si mereken jaminen guna pinjamen kalak si la itandaina, pasti cilaka,+

Tapi ise pe si la nggit erban perjanjin ras kalak si la itandaina, pasti pagi aman.

16 Diberu si mehuli ndatken kemulian,+

Tapi dilaki si kejam ngerampok gelah bayak.

17 Dilaki si mehuli mereken keuntungen man dirina,+

Tapi dilaki si kejam ngerugiken* bana.+

18 Kalak jahat ngaloken upah si la erguna,+

Tapi kalak si nuan kai si mehuli ngaloken upah situhu-tuhu.+

19 Kalak si paguh bas si benar, nuju ku kegeluhen,+

Tapi kalak si ngayaki kai si jahat, nuju ku kematen.

20 Kalak si licik perukurenna, ciga ate Jahwe,+

Tapi kalak si la ersalah, erban meriah ukurNa.+

21 Teklah kam, kalak jahat pasti ihukum,+

Tapi anak-anak kalak si benar pasti iselamatken.

22 Diberu si mejile si la pakena kengasupen rukurna,

Bali bagi anting-anting emas bas igung babi.

23 Sura-sura kalak si benar pasti si mehuli,+

Tapi sura-sura kalak jahat erban merawa Dibata.

24 Lit kalak si nggit mere janah datna terbuen,+

Tapi lit kalak si la nggit mereken si arusna iberena, dungna mesera geluhna.+

25 Kalak si nggit mere pasti pagi makmur,+

Janah kalak si mere inemen man kalak si deban, pasti pagi ibere minem.+

26 Kalak si la nggit ndayaken pangan* man kalak si deban pasti pagi isumpahi,

Tapi kalak si nggit ndayakenca pasti pagi ipasu-pasu.

27 Kalak si meriah kapna erban si mehuli, ngena ate kalak,+

Tapi kalak si meriah kapna erban si jahat, pasti ngenanami kai si la mehuli.+

28 Kalak si tek man kebayakenna pasti pagi ndabuh,+

Tapi kalak si benar makmur pagi bagi bulung batang kayu si mbur.+

29 Kalak si erban masalah man* keluargana la pagi ndatken warisen,+

Janah kalak si motu jadi pelayan kalak si pentar pagi.

30 Si ihasilken kalak si benar bali bagi batang kayu kegeluhen,+

Janah pentar kap kalak si ngiahken kalak si deban ngelakoken si mehuli.+

31 Adi kalak si benar si lit i doni pe iupahi,

Apai ka kalak jahat ras perdosa, pasti pagi ndatken hukumen!+