Humoch Naym Gaad Gat?

Weh di Baibl seh

Gaad onli ga wan persnal naym. Eena Heebroo dehn rait laik dis: יהוה. An eena Kriol wi spel laik dis: Jehoava.a Gaad tel wi chroo di prafit Aizaiya: “Ai da Jehoava. Dat da mi naym.” (Isaiah 42:8) Dis naym deh eena oal Baibl skroal an manyuskrip bowt 7,000 taimz. Dis da lat moa taim dan eni ada naym er taitl fi Gaad, er eni ada naym eena di Baibl.b

Wat da sohn ada naym fi Jehoava?

Aldoa di Baibl onli tel wi bowt wan persnal naym fi Gaad, ih gat een ada naym ahn taitl tu. Dehnya da som a di naym ahn taitl dehn, an eech wan tel wi sohnting difrent bowt Gaad:

Taitl	Wehpaat yu ku fain it	Weh ih meen
Alah	(Non)	Dis kohn fahn di Arabic langwij. Di werd “Alah” da noh wahn naym, da wahn taitl weh meenz “Gaad.” Baibl chranslayshan eena Arabic an ada langwij yooz “Alah” fi di werd “Gaad.”
Almaiti	Genesis 17:1	Moa powaful dan enibadi els. Di Heebroo taitl ʼEl Shad·daiʹ, er “Gaad Almaiti,” deh eena di Baibl sevn taimz.
Di Alfa ahn di Omayga	Revilayshan 1:8; 21:6; 22:13	“Di fers ahn di laas,” er “di biginin ahn di en.” Dis meenz dat no Almaiti Gaad egzis bifoa Jehoava, ahn non wahn eva egzis afta hihn. (Isaiah 43:10) Alfa an Omayga da di fers ahn laas letaz eena di Greek alfabet.
Aynshent a Dayz	Daniel 7:9, 13, 22	Hihn noh ga no biginin. Hihn egzis bifoa eniting er enibadi els eva egzis.—Psalm 90:2.
Kriyayta	Isaiah 40:28	Da hihn mek evriting.
Faada	Machyu 6:9	Da hihn gi wi laif.
Gaad	Genesis 1:1	Sombadi weh peepl wership; wahn schrang Persn. Di Heebroo werd ʼElo·himʹ akchwali meenz “Gaadz,” an eena da langwij ih meen dat di persn wandaful ahn powaful.
Di Gaad oava aal ada gaad	Deuteronomy 10:17	Di onli chroo Gaad. Hihn da notn laik di “wertles gaad dehn” weh som peepl wership.—Isaiah 2:8.
Di Graytis Teecha	Isaiah 30:20, 21	Da hihn teech wi ahn gaid wi fi benifit wiself.—Isaiah 48:17, 18.
Di Grayt Kriyayta	Psalm 149:2	Da hihn mek evriting.—Revilayshan 4:11.
Di Hapi Gaad	1 Timoti 1:11	Hihn da sombadi weh hapi ahn ga lata jai.—Psalm 104:31.
Di Wan hoo lisn tu pryaaz	Psalm 65:2	Da hihn persnali lisn tu eech pryaa a ih servant dehn.
Ai Wahn Bee Weh Ah Waahn Bee	Exodus 3:14	Hihn ku bee wateva ih need fi bee soh dat hihn ku du weh ih waahn. Wahn neks Baibl chranslayt dis az “Ai Wahn Bee Watsoeva Ah Feel Laik Ah Waahn Bee.” (The Emphasised Bible, by J. B. Rotherham) Dis help wi fi andastan ih persnal naym, Jehoava, meen eena di neks vers.—Exodus 3:15.
Jelos	Exodus 34:14, King James Version	Hihn noh shayr ih wership wid no ada gaad. Ada Baibl chranslayt it az “hihn noh talarayt no kompetishan” er “da onli hihn dizerv fi geh di wership.”—God’s Word Bible; Nyoo Werl Chranslayshan.
Di King weh rool fareva an eva	Revilayshan 15:3	Fi hihn roolaship noh ga wahn biginin ner wahn en.
Laad	Psalm 135:5	Oana er maasta; Heebroo ʼA·dhohnʹ an ʼAdho·nimʹ.
Laad a di aami, Laad a Sabaot, Laad Almaiti	Isaiah 1:9, King James Version; Roamanz 9:29, King James Version; Di Nyoo Testiment een Bileez Kriol	Hihn da di komanda oava aala di aynjelz da hevn. Di taitl “Laad a Sabaot,” er “Laad Almaiti,” ku chranslayt az “Jehoava, di Komanda a di hevnli aami” er “Laad a di [hevnli] aami dehn.”—Roamanz 9:29, Nyoo Werl Chranslayshan; NET Bible, futnoat.
Moas Hai	Psalm 47:2	Di Persn wid di haiyis pozishan.
Moas Hoali Wan	Proverbs 9:10	Hihn moa hoali (kleen ahn pyoar) dan eni ada persn.
Di Wan weh mek klay pat	Isaiah 64:8	Hihn ga atariti oava peepl ahn nayshan, jos laik wahn persn weh mek klay pat ga atariti oava di klay.—Roamanz 9:20, 21.
Di Wan hoo pay di prais	Isaiah 41:14	Da hihn bai bak hyoomanz fahn sin ahn det chroo di sakrifais a Jeezas Krais.—Jan 3:16.
Di Rak	Psalm 18:2, 46	Di Persn hoo protek wi ahn sayv wi.
Sayvya	Isaiah 45:21	Ih sayv wi fahn daynja er dischrokshan.
Shepad	Psalm 23:1	Ih tek kayr a evribadi hoo wership hihn.
Sovrin Laad	Genesis 15:2	Hihn da di haiyis atariti; Heebroo ʼAdho·naiʹ.
Sopreem Gaad	Daniel 7:18, 27	Di haiyis roola eena di yoonivers.

Di naym a sohn plays eena Heebroo

Som plays bak eena Baibl taimz yoostu inklood Gaad naym, bot dehndeh naym da neva ada naym fi Gaad, da-mi jos di naym a wahn plays.

Naym a di plays	Wehpaat yu ku fain it	Weh ih meen
Jehoava-jaireh	Genesis 22:13, 14	“Jehoava Wahn Provaid.”
Jehoava-neesi	Exodus 17:15	“Jehoava Da Mi Signal Poal,” er “mi Flag.” (Today’s New International Version) Jehoava da wahn Gaad hoo ih peepl ku ron tu fi protekshan ahn help.—Exodus 17:13-16.
Jehoava-shalom	Judges 6:23, 24	“Jehoava Da Pees.”
Jehoava-shama	Ezekiel 48:35, futnoat, American Standard Version	“Jehoava Dehdeh.”

Wai wi need fi noa Gaad naym ahn yooz it

Gaad put ih persnal naym, Jehoava, eena di Baibl towznz a taimz, soh tu hihn ih veri impoatant.—Malachi 1:11.
Gaad Son, Jeezas, mi aalwayz shoa how impoatant Gaad naym impoatant. Fi egzampl, hihn mi pray tu Jehoava: “Wi waahn yu naym bee hoali.”—Machyu 6:9; Jan 17:6.
Peepl weh get fi noa Gaad naym ahn yooz it di du di fers ting weh dehn need fi du fi ga wahn frenship wid Jehoava. (Psalm 9:10; Malachi 3:16) If dehn geh fi bee ih fren, dehn ku benifit fahn weh hihn pramis wi: “Bikaaz ih lov mi, Ah wahn reskyu ahn. Ah wahn protek ahn bikaaz ih noa mi naym.”—Psalm 91:14.
Di Baibl tel wi: “Lata tingz deh weh peepl kaal gaad, weda op da hevn er pahn ert, jos laik how lata ‘gaad’ ahn lata ‘laad’ deh.” (1 Korintyanz 8:5, 6) Bot di Baibl tel wi tu dat di naym a di wan an onli chroo Gaad da Jehoava.—Psalm 83:18.

a Som peepl weh stodi Heebroo seh dat ih shuda bee “Yaaweh” insteda “Jehoava.”

b Di shaat verzhan a di naym, “Jah,” deh eena di Baibl bowt 50 taim. Sohntaim ih deh bai ihself, bot ada taimz ih deh az “Halelooya,” weh meenz “Prayz Jah.”—Revilayshan 19:1; Di Nyoo Testiment eena Bileez Kriol.