Salmo
Salmo ni Asap.+
79 Oh Diyos, gisulong sa kanasoran ang imong panulondon;+
Gihugawan nila ang imong balaang templo;+
Gihimo nila ang Jerusalem ingong tapok sa kagun-oban.+
2 Gihatag nila ang patayng lawas sa imong mga alagad ingong pagkaon sa mga langgam sa kalangitan
Ug ang unod sa mga maunongon kanimo ngadto sa ihalas nga mga mananap sa yuta.+
3 Gipabanaw nila sa tibuok Jerusalem ang ilang dugo samag tubig,
Ug walay usa nga nabilin aron molubong kanila.+
4 Nahimo ming talamayon sa among mga silingan;+
Kadtong mga anaa sa among palibot nagyagayaga ug nagyubit kanamo.
5 Hangtod kanus-a, Oh Jehova, nga ikaw masuko pag-ayo? Hangtod sa hangtod?+
Hangtod kanus-a magsilaob ang imong kasuko samag kalayo?+
6 Ibubo ang imong dakong kasuko sa kanasoran nga wala makaila kanimo
Ug sa mga gingharian nga wala magtawag sa imong ngalan.+
8 Ayaw mig papanubaga sa kasaypanan sa among mga katigulangan.+
Ipakita dayon kanamo ang imong kaluoy,+
Kay gipaubos mi pag-ayo.
9 Tabangi mi, Oh Diyos sa among kaluwasan,+
Tungod sa imong mahimayaong ngalan;
Luwasa mi ug pasayloa* ang among mga sala tungod sa imong ngalan.+
10 Nganong moingon man ang kanasoran: “Asa man ang ilang Diyos?”+
Sa among atubangan, hinaot mahibaloan sa kanasoran
Nga ang giula nga dugo sa imong mga alagad napanimaslan na.+
11 Hinaot madunggan nimo ang pagpanghupaw sa binilanggo.+
Gamita ang imong dakong gahom* aron maluwas* kadtong mga nahukman ug kamatayon.*+