Unang Cronicas

4 Ang mga anak ni Juda mao si Perez,+ Hesron,+ Carmi, Hur,+ ug Sobal.+ 2 Si Reaias nga anak ni Sobal ang amahan ni Jahat; si Jahat ang amahan ni Ahumai ug Lahad. Mao kini ang mga banay sa mga Zorahanon.+ 3 Mao kini ang mga anak sa amahan* sa Etam:+ si Jezreel, Isma, ug Idbas (ug ang ngalan sa ilang igsoong babaye mao si Hazelelponi), 4 ug si Penuel ang amahan ni Gedor, ug si Ezer ang amahan sa Husa. Mao kini ang mga anak ni Hur,+ ang panganay ni Eprata ug amahan sa Betlehem.+ 5 Si Ashur+ nga amahan sa Tekoa+ nakabatog duha ka asawa, si Hela ug Naara. 6 Si Naara nanganak kang Ahuzam, Heper, Temeni, ug Haahastari. Mao kini ang mga anak ni Naara. 7 Ug ang mga anak ni Hela mao si Zeret, Izar, ug Etnan. 8 Si Koz ang amahan ni Anub, Zobeba, ug sa kabanayan ni Aharhel nga anak ni Harum.

9 Si Jabez mas dungganon kay sa iyang mga igsoon; ug ginganlan siya sa iyang inahan ug Jabez,* nga nag-ingon: “Gipanganak ko siya sa kasakit.” 10 Si Jabez mitawag sa Diyos sa Israel: “Hinaot imo kong panalanginan ug imong padak-on ang akong teritoryo ug hinaot ang imong kamot magauban kanako ug magluwas kanako gikan sa katalagman, aron kini dili makadaot kanako!” Busa gihatag sa Diyos ang iyang gihangyo.

11 Si Kelub nga igsoon ni Suha mao ang amahan ni Mehir, nga amahan ni Eston. 12 Si Eston ang amahan ni Bet-rapa, Pasea, ug Tehina nga amahan sa Ir-nahas. Mao kini ang kalalakin-an sa Reca. 13 Ug ang mga anak ni Kenaz mao si Otniel+ ug Seraias, ug ang anak* ni Otniel mao si Hatat. 14 Si Meonotai ang amahan ni Opra. Si Seraias ang amahan ni Joab nga amahan sa Ge-harasim,* kay sila mga artesano.*

15 Ang mga anak ni Caleb+ nga anak ni Jepune mao si Iru, Elah, ug Naam; ug ang anak* ni Elah mao si Kenaz. 16 Ang mga anak ni Jehalelel mao si Zip, Zipa, Tiria, ug Asarel. 17 Ang mga anak ni Ezra mao si Jeter, Mered, Eper, ug Jalon; siya* nanamkon ug nanganak kang Miriam, Samai, ug Isba nga amahan ni Estemoa. 18 (Ang iyang Hudiyong asawa nanganak kang Jered nga amahan ni Gedor, Heber nga amahan ni Soco, ug Jekutiel nga amahan sa Zanoa.) Mao kini ang mga anak ni Bitias nga anak nga babaye sa Paraon, nga giminyoan ni Mered.

19 Ang mga anak sa asawa ni Hodias, nga igsoong babaye ni Naham, mao ang mga amahan ni Keila nga Garmihanon ug ni Estemoa nga Maacatnon. 20 Ug ang mga anak ni Shimon mao si Amnon, Rina, Ben-hanan, ug Tilon. Ug ang mga anak ni Isi mao si Zohet ug Ben-zohet.

21 Ang mga anak ni Sela+ nga anak ni Juda mao si Er nga amahan ni Leca, si Laada nga amahan ni Maresah, ug ang kabanayan sa mga tighimog maayong klase nga panapton sa panimalay ni Asbea, 22 ug si Jokim, ang kalalakin-an sa Cozeba, si Joas, ug si Sarap, nga mga bana sa mga babayeng Moabihanon, ug si Jasubi-lehem. Kini nga impormasyon naggikan sa karaang mga rekord. 23 Sila maoy mga magkukulon nga nagpuyo sa Netaim ug Gedera. Sila namuyo didto ug nagtrabaho alang sa hari.

24 Ang mga anak ni Simeon+ mao si Nemuel, Jamin, Jarib, Zera, ug Shaul.+ 25 Si Salum mao ang iyang anak, si Mibsam ang iyang anak, ug si Misma ang iyang anak. 26 Ug ang mga anak ni Misma mao si Hamuel nga iyang anak, si Zacur nga iyang anak, si Simei nga iyang anak. 27 Ug si Simei may 16 ka anak nga lalaki ug 6 ka anak nga babaye; apan ang iyang mga igsoong lalaki dili daghag anak, ug walay usa sa ilang mga banay ang dunay mga anak nga ingon ka daghan sa nabatonan sa mga lalaki sa Juda.+ 28 Sila nagpuyo sa Beer-seba,+ Molada,+ Hazar-sual,+ 29 Bilha, Ezem,+ Tolad, 30 Betuel,+ Horma,+ Ziklag,+ 31 Bet-marcabot, Hazar-susim,+ Bet-biri, ug Saaraim. Mao kini ang ilang mga siyudad hangtod sa paghari ni David.

32 Sila nagpuyo usab sa Etam, Ain, Rimon, Token, ug Asan,+ lima ka siyudad, 33 ug diha sa mga dapit sa palibot niining mga siyudara hangtod sa Baal. Mao kini ang talaan sa ilang kagikan ug ang mga dapit diin sila nagpuyo. 34 Ug si Mesobab, Jamlek, Josa nga anak ni Amazias, 35 Joel, Jehu nga anak ni Josibias nga anak ni Seraias nga anak ni Asiel, 36 ug si Elioenai, Jaakoba, Jesohaia, Asaias, Adiel, Jesimiel, Benaias, 37 ug si Ziza nga anak ni Sipi nga anak ni Alon nga anak ni Jedaia nga anak ni Simri nga anak ni Semaias; 38 kining mga ginganlan mao ang mga pangulo sa ilang mga banay, ug ang panimalay sa ilang mga katigulangan nanaghan. 39 Ug sila nangadto sa agianan pasulod sa Gedor, ngadto sa sidlakan sa walog, aron mangitag sibsibanan sa ilang kahayopan. 40 Sa ulahi sila nakakaplag ug labong ug maayong sibsibanan, ug ang yuta lapad, linaw, ug walay kasamok. Mga Hamihanon ang mga namuyo didto kaniadto.+ 41 Kining mga tawhana nga natala nangabot sa mga adlaw ni Haring Ezequias+ sa Juda ug ilang giguba ang mga tolda sa mga Hamihanon ug mga Meunim nga atua didto. Ilang gilaglag sila ug walay nabilin kanila hangtod niining adlawa; ug sila mipulig puyo sa maong dapit, kay didto may sibsibanan alang sa ilang kahayopan.

42 Dihay mga Simeonhon, 500 ka lalaki, nga nangadto sa Bukid sa Seir+ uban ni Pelatias, Nearias, Refaias, ug Uziel, nga mga anak ni Isi nga maoy nangulo kanila. 43 Ug ilang gipamatay ang nahibiling mga Amalekanhon+ nga nakaikyas, ug sila nagpuyo didto hangtod niining adlawa.