Isaias

Ang ilang mga idolo gikarga diha sa mga mananap, sa mga mananap nga kargahanan ug luwan,+

Samag bagahe nga nakapabug-at sa gikapoy nga mga mananap.

 2 Sila motikubo ug moyuko;

Dili nila maluwas ang mga karga,*

Ug sila mismo mabihag.

 3 “Pamati kanako, Oh panimalay ni Jacob, ug kamong tanang nahibilin sa panimalay ni Israel,+

Kamo nga akong gisapnay sukad sa inyong pagkatawo ug giatiman gikan sa tagoangkan.+

 4 Hangtod sa imong pagkatigulang, ako mao ra gihapon;+

Hangtod sa imong pagkaubanon, ako padayong magpas-an kanimo.

 5 Kang kinsa ko ninyo ipakasama o itumbas o itandi+

Nga daw magkaamgid mi?+

 6 Dunay mga nagabubo ug bulawan gikan sa ilang puntil;

Sila nagtimbang sa plata diha sa timbangan.

 7 Gipas-an nila kini;+

Gidala nila kini ug gipahimutang sa dapit niini, ug nagpabilin ra kini didto.

Sila motuaw niini, apan dili kini motubag;

Dili kini makaluwas kang bisan kinsa gikan sa kasakit.+

 9 Hinumdomi ang kanhing* mga butang sa dugay nang panahon,

Nga ako ang Diyos,* ug wala nay lain.

10 Sukad sa sinugdan gitagna na nako ang mahitabo,

Ug sa dugay nang panahon gitagna na nako ang mga butang nga wala pa mahimo.+

Ako miingon, ‘Ang akong desisyon* matuman,+

Ug buhaton nako ang bisan unsa nga akong gusto.’+

11 Magtawag kog langgam nga mandadagit gikan sa sidlakan,*+

Gikan sa layong yuta tawgon nako ang tawo nga mopatuman sa akong desisyon.*+

12 Pamati kanako, kamong masukihon* ug kasingkasing,

Kamong layo sa pagkamatarong.

13 Gipaduol nako ang akong pagkamatarong;

Kini dili layo,

Ug ang akong kaluwasan dili malangan.+