Jeremias
48 Alang sa Moab,+ kini ang giingon ni Jehova sa mga panon, ang Diyos sa Israel:
“Alaot ang Nebo,+ kay siya gilaglag!
Ang Kiriataim+ gipakaulawan ug nailog.
Ang luwas nga dangpanan* gipakaulawan ug nalisang.+
2 Dili na nila dayegon ang Moab.
Giplano nila sa Hesbon+ ang iyang pagkapukan:
‘Dali, ato siyang laglagon ingong usa ka nasod.’
Ikaw usab, Oh Madmen, pagpakahilom,
Kay ang espada nagsunod kanimo.
4 Ang Moab nagun-ob.
Ang iyang gagmayng mga bata naninggit.
5 Sila padayong naghilak samtang nanungas sa Luhit.
Ug sa ilang paglugsong gikan sa Horonaim nakadungog silag mga pagtuaw tungod sa katalagman.+
6 Kalagiw mo, luwasa ang inyong kinabuhi!
Kinahanglang mahisama mo sa kahoyng junipero diha sa kamingawan.
7 Kay nagsalig ka sa imong mga buhat ug sa imong mga bahandi,
Mabihag ka usab.
Ug si Kemos+ madestiyero,
Kauban sa iyang mga saserdote ug mga prinsipe.
9 Pagbutang ug timaan alang sa Moab,
Kay dihang magun-ob ang iyang mga siyudad, ang iyang katawhan mokalagiw,
Ug ang iyang mga siyudad mahimong kahadlokan,
Nga walay molupyo.+
10 Tinunglo ang usa nga nagpasagad sa gipabuhat ni Jehova kaniya!
Tinunglo ang usa nga nagpugong sa iyang espada sa pag-ulag dugo!
11 Ang mga Moabihanon wala matugaw sukad sa ilang pagkabatan-on,
Samag bino nga pinalugdang.
Wala pa sila mahuwad ngadto sa laing sudlanan,
Ug wala pa sila madestiyero.
Mao nga nagpabilin ang ilang kalami,
Ug wala mausab ang ilang kahumot.
12 “‘Busa tan-awa! ang mga adlaw moabot,’ miingon si Jehova, ‘dihang magpadala kog mga tawo nga motuwang kanila. Ituwang nila sila ug ihuwad ang ilang mga sudlanan, ug pulpogon nila ang ilang dagkong banga. 13 Ug ikaulaw sa mga Moabihanon si Kemos, sama nga gikaulaw sa panimalay ni Israel ang Bethel, nga maoy ilang gisaligan.+
14 Nganong nakaako mo sa pag-ingon: “Kami maoy banggiitang mga manggugubat, nga andam sa pagpakiggubat”?’+
15 ‘Ang Moab gilaglag,
Gisulong ang iyang mga siyudad,+
Ug gipamatay ang ilang kinamaayohang mga batan-ong lalaki,’+
Miingon ang Hari, kansang ngalan maoy Jehova sa mga panon.+
17 Kadtong tanan nga naglibot kanila mosimpatiya kanila,
Ang tanan nga nakaila sa ilang ngalan.
Ingna sila: ‘Nabali ang lig-ong baston, ang matahom nga sungkod!’
18 Kanaog gikan sa imong himaya,
Ug lingkod sa kauhaw,* Oh anak nga babaye nga nagpuyo sa Dibon,+
Kay ang tiglaglag sa Moab miabot batok kanimo.
Ug iyang gun-obon ang imong mga kinutaang dapit.+
19 Barog sa dalan ug pagbantay, ikaw nga molupyo sa Aroer.+
Pangutan-a ang lalaki nga mikalagiw ug ang babaye nga miikyas, ‘Unsay nahitabo?’
20 Ang Moab gipakaulawan ug nalisang.
Tiyabaw ug singgit.
Ibalita sa Arnon+ nga ang Moab gilaglag.
21 “Ang paghukom miabot sa patag nga yuta,*+ batok sa Holon, Jahaz,+ ug Mepaat;+ 22 batok sa Dibon,+ Nebo,+ ug Bet-diblataim; 23 batok sa Kiriataim,+ Bet-gamul, ug Bet-meon;+ 24 batok sa Keriot+ ug Bozra; ug batok sa tanang siyudad sa yuta sa Moab, ang layo ug ang duol.
26 ‘Huboga siya+ kay siya nagbayaw sa iyang kaugalingon batok kang Jehova.+
Ang Moab miligid sa iyang suka,
Ug siya gibiaybiay.
27 Dili ba gibiaybiay nimo ang Israel?+
Usa ba siya sa mga kawatan,
Mao nga naglingolingo ka ug nagsultig batok kaniya?
28 Biyai ang mga siyudad ug puyo sa dakong bato, kamong mga molupyo sa Moab,
Ug mahimong sama sa salampati nga nagsalag sa kilid sa lugot.’”
29 “Among nadungog ang bahin sa garbo sa Moab—siya mapahitas-on kaayo—
Ang bahin sa iyang pagkaarogante, garbo, pagkamapahitas-on, ug sa pagkagarboso sa iyang kasingkasing.”+
30 “‘Nahibalo ko sa iyang kasuko,’ miingon si Jehova,
‘Apan walay pulos ang iyang pagpanghambog.
Wala silay mahimo.
31 Kanay hinungdan nga motiyabaw ko tungod sa Moab,
Mosinggit ko alang sa tibuok Moab
Ug magminatay ko alang sa mga tawo sa Kir-heres.+
32 Labaw pa sa akong paghilak alang sa Jazer,+
Ako mohilak alang kanimo, Oh punoan sa ubas sa Sibma.+
Ang imong malamboong mga salingsing mitabok sa dagat.
Kini nakaabot sa dagat, ngadto sa Jazer.
Sa imong bunga sa ting-init ug pinupo nga ubas
Ang tiglaglag mikanaog.+
Gipahunong nako ang pag-agay sa bino gikan sa mga pug-anag bino.
Wala nay magtamaktamak uban ang singgit sa kalipay.
Ang pagsinggit dili na tungod sa kalipay.’”+
34 “‘Dunay pagsinggit sa Hesbon+ nga madungog hangtod sa Eleale,+
Gipatugbaw nila ang ilang tingog hangtod sa Jahaz,+
Gikan sa Zoar hangtod sa Horonaim+ ug hangtod sa Eglat-selisiya.
Bisan ang katubigan sa Nimrim mahubas.+
35 Pahunongon nako gikan sa Moab,’ miingon si Jehova,
‘Ang nagadalag halad didto sa taas nga dapit
Ug ang nagahalad sa iyang diyos.
36 Kanay hinungdan nga ang akong kasingkasing magminatay* alang sa Moab sama sa plawta,*+
Ug ang akong kasingkasing magminatay* alang sa mga tawo sa Kir-heres sama sa plawta.*
Kay ang bahandi nga iyang gipatungha mahanaw.
38 “‘Diha sa tanang atop sa Moab
Ug diha sa tanan niyang mga plasa,
Walay laing madungog kondili pagminatay.
Kay akong gibuak ang Moab
Samag banga nga dili na magamit,’ miingon si Jehova.
39 ‘Hilabihan gayod ang iyang pagkalisang! Tiyabaw mo!
Mitalikod gayod ang Moab tungod sa kaulaw!
Ang Moab gibiaybiay,
Nga nakapalisang sa tanang anaa sa iyang palibot.’”
40 “Kay kini ang giingon ni Jehova:
41 Mabihag ang mga lungsod,
Ug mailog ang iyang mga kuta.
Nianang adlawa ang kasingkasing sa mga manggugubat sa Moab
Mahisama sa kasingkasing sa usa ka babayeng nanganak.’”
42 “‘Ang Moab pagalaglagon ingong usa ka katawhan,+
Kay siya nagbayaw sa iyang kaugalingon batok kang Jehova.+
43 Ang kalisang ug ang gahong ug ang bitik anaa sa imong atubangan,
Oh molupyo sa Moab,’ miingon si Jehova.
44 ‘Bisan kinsa nga mokalagiw tungod sa kalisang mahulog sa gahong,
Ug bisan kinsa nga mogula gikan sa gahong mabitik.’
‘Kay sa gitakdang tuig, akong silotan ang Moab,’ miingon si Jehova.
45 ‘Kadtong mga nangalagiw nagbarog nga walay kusog sa landong sa Hesbon.
Kay may kalayo nga mogula gikan sa Hesbon
Ug may siga nga gikan sa siyudad sa Sihon.+
Lamyon niini ang agtang sa Moab
Ug ang bagolbagol sa bangis nga mga manggugubat.’+
46 “‘Alaot ka, Oh Moab!
Ang katawhan ni Kemos+ nangalaglag.
Kay ang imong mga anak nga lalaki gibihag,
Ug ang imong mga anak nga babaye gidestiyero.+
47 Apan sa kaulahiang bahin sa mga adlaw, akong tigomon ang mga nabihag sa Moab,’ miingon si Jehova.
‘Kutob dinhi ang mensahe sa paghukom sa Moab.’”+