Jeremias
6 Kalagiw sa Jerusalem ug panago mo, Oh mga anak ni Benjamin.
Kay nagsingabot ang katalagman gikan sa amihanan, usa ka dakong katalagman.+
2 Ang anak nga babaye sa Zion nahisama sa usa ka maanyag ug pinatuyangan nga babaye.+
3 Mangabot ang mga magbalantay ug ang ilang mga panon.
Sila magpatindog sa ilang mga tolda sa iyang palibot,+
Ang matag usa nagpasibsib diha sa iyang dapit.+
4 “Pangandam sa* pagpakiggubat kaniya!
Tindog, ug atakehon nato siya sa kaudtohon!”
“Alaot kita, kay ang adlaw nagakasalop na,
Kay ang landong sa kagabhion nagkalawom na!”
6 Kay kini ang giingon ni Jehova sa mga panon:
“Pamutol mog mga kahoy ug paghimog mga bungdo batok sa Jerusalem.+
Siya ang siyudad nga angayng papanubagon;
Pulos lang pagpangdaogdaog ang anaa kaniya.+
7 Sama nga gipabiling bugnaw* sa gahong nga pondohanag tubig ang tubig niini,
Gipabilin usab niyang bugnaw* ang iyang pagkadaotan.
Madungog kaniya ang kapintasan ug pagpanglaglag;+
Ang sakit ug hampak kanunayng anaa sa akong atubangan.
8 Paminaw sa pasidaan, Oh Jerusalem, kay kon dili, mopahilayo ko kanimo kay luoron ko nimo;+
Himoon ka nakong awaaw, usa ka yuta nga walay molupyo.”+
9 Kini ang giingon ni Jehova sa mga panon:
“Bug-os nakong hagdawon ang nahibilin sa Israel sama sa nahibiling mga ubas diha sa punoan niini.
Ikab-ot ug balik ang imong kamot nga samag namupo ug mga ubas diha sa mga punoan niini.”
10 “Kinsa ang akong sultihan ug pasidan-an?
Kinsay mamati?
Tan-awa! Ang ilang mga dalunggan sinampongan,* mao nga sila dili makadungog.+
Tan-awa! Ang pulong ni Jehova ilang gitamay;+
Wala sila malipay niini.
“Ibubo kini ngadto sa bata diha sa dalan,+
Ngadto sa mga pundok sa mga batan-ong lalaki nga nagtigom.
Silang tanan madakpan, ang bana kauban sa iyang asawa,
Kay akong ituy-od ang akong kamot batok sa mga molupyo sa yuta,” miingon si Jehova.
13 “Kay ang matag usa namentaha,+ gikan sa labing ubos ngadto sa labing taas;
Ang matag usa nanikas, gikan sa propeta ngadto sa saserdote.+
14 Ug hapawhapaw nilang giayo ang mga samad* sa akong katawhan, pinaagi sa pag-ingon,
‘Dunay pakigdait! Dunay pakigdait!’
Dihang walay pakigdait.+
15 Naulaw ba sila sa dulumtanang mga butang nga ilang nahimo?
Wala gayod sila maulaw!
Wala gani sila mahibalo kon unsaon pagbatig kaulaw!+
Busa sila mangapukan taliwala sa nangapukan.
Dihang silotan nako sila, sila mangapandol,” miingon si Jehova.
16 Kini ang giingon ni Jehova:
“Barog mo sa nagsanga nga mga dalan ug tan-aw.
Pangutana bahin sa karaang mga dalan,
Pangutana kon hain ang maayong dalan, ug lakaw niini,+
Ug kamo makakaplag ug kapahulayan.”
Apan sila miingon: “Dili mi molakaw niana.”+
Apan sila miingon: “Dili mi mamati.”+
18 “Busa paminaw, Oh kanasoran!
Ug hibaloi ninyo, Oh katawhan,
Kon unsay mahitabo kanila.
19 Pamati, Oh yuta!
Magpahinabo kog katalagman niini nga katawhan+
Ingong bunga sa ilang daotang mga plano,
Kay wala nila pamatia ang akong mga pulong
Ug gisalikway nila ang akong balaod.”*
20 “Unsay labot nako kon nagdala mog kamangyan gikan sa Sheba
Ug humot nga caña* gikan sa layong yuta?
Ang inyong mga tibuok halad nga sinunog dili dalawaton,
Ug ang inyong mga halad wala makapalipay kanako.”+
21 Busa kini ang giingon ni Jehova:
“Ania, magbutang kog mga kapandolan alang niini nga katawhan,
Ug sila mangapandol niini,
22 Kini ang giingon ni Jehova:
“Tan-awa! Usa ka katawhan ang moabot gikan sa yuta sa amihanan,
Ug usa ka dakong nasod ang pukawon gikan sa kinalay-ang mga bahin sa yuta.+
23 Ilang hawiran ang pana ug ang salapang.
Sila bangis ug dili maluoy.
Ang ilang tingog modahunog samag dagat,
Ug sila magsakay sa mga kabayo.+
Sila maghan-ay samag manggugubat nga mosulong kanimo, Oh anak nga babaye sa Zion.”
24 Among nadungog ang taho bahin niini.
Ang among mga kamot nanghuyhoy;+
Ang kasakit mihakgom kanamo,
25 Ayawg adto sa uma,
Ug ayawg lakaw sa dalan,
Kay ang kaaway dunay espada;
Dunay kalisang sa tibuok palibot.
Pagbangotan uban ang grabeng pagminatay, nga daw namatyag bugtong nga anak,+
Kay sa kalit ang tiglaglag moanhi kanato.+
27 “Gihimo ka* nakong tigdalisay ug metal taliwala sa akong katawhan,
Usa nga nagahimog bug-os nga pagsusi;
Angay nimong bantayan ug susihon ang ilang dalan.
Sama silag tumbaga ug puthaw;
Silang tanan daotan.
29 Ang mga hasuhasan nangapagba.
Gikan sa kalayo motungha ang tingga.