Salmo
Ngadto sa direktor; duyogan sa dekuwerdas nga mga instrumento. Maskil.* Salmo ni David.
Dili ko mahimutang tungod sa kabalaka,+
Ug nabalisa ko pag-ayo
3 Tungod sa ginaingon sa kaaway
Ug sa pagpit-os sa daotan.
Kay gihan-okan ko nilag kasamok,
Ug tungod sa ilang kasuko, gidumtan ko nila pag-ayo.+
5 Nahadlok ko ug nangurog,
Ug gihakgom ko sa kalisang.
6 Nagsige kog ingon: “Kon duna lang unta koy pako sama sa salampati!
Molupad ko palayo ug mopuyo sa dapit nga luwas sa katalagman.
Mopuyo ko sa kamingawan.+ (Selah)
8 Magdali kog adto sa silonganan
Nga layo gikan sa naghaguros nga hangin ug sa bagyo.”
9 Liboga sila, Oh Jehova, ug pakyasa ang ilang mga plano,*+
Kay akong nakita ang kapintasan ug kagubot didto sa siyudad.
10 Adlaw ug gabii silang naglibot sa ibabaw sa mga paril niini;
Ang pagkadaotan ug kasamok anaa sa sulod niini.+
11 Ang kadaot anaa sa taliwala niini;
Ang pagpangdaogdaog ug pagpanglimbong dili mobulag sa plasa niini.+
Dili kaaway ang mibatok kanako;
Kay kon mao pa, makatago ra ko gikan kaniya.
13 Apan ikaw, nga sama kanako,* ang naghimo niini,+
Ang ako mismong kauban nga nailhan nako pag-ayo.+
14 Maayo kaayo ang atong panaghigalaay kaniadto;
Magkuyog pa gani ta uban ang panon paingon sa balay sa Diyos.
Malubong unta silang buhi sa Lubnganan;*
Kay ang daotan nagpuyo uban kanila ug anaa sa ilang kasingkasing.
18 Luwason* ko niya ug hatagag kalinaw gikan sa mga nakig-away kanako,
Kay panonpanon ang miatake kanako.+
19 Ang Diyos mamati ug molihok batok kanila,+
Ang usa nga naglingkod sa trono sukad pa kaniadto.+ (Selah)
Dili sila magbag-o,
Kadtong wala mahadlok sa Diyos.+
Ang iyang mga pulong mas tanglas pa kay sa lana,
Apan kini samag hait nga mga espada.+
Dili gyod niya itugot nga mapukan* ang matarong.+
23 Apan dad-on nimo sila, Oh Diyos, ngadto sa kinalaloman nga gahong.+
Kadtong mga sad-an sa dugo ug malimbongon mamatay ug sayo.+
Apan ako mosalig kanimo.