Salmo
IKAUPAT NGA BASAHON
(Mga Salmo 90-106)
Pag-ampo ni Moises, ang tawo sa matuod nga Diyos.+
90 Oh Jehova, ikaw ang among puloy-anan*+ latas sa tanang kaliwatan.
2 Sa wala pa ipatungha ang kabukiran
O sa wala pa nimo ipatungha* ang kalibotan ug ang yuta,+
Gikan sa walay sinugdanan hangtod sa walay kataposan, ikaw ang Diyos.+
4 Kay ang 1,000 ka tuig daw kagahapon lang alang kanimo,+
Daw usa lang ka yugto sa pagbantay sa kagabhion.*
5 Gipapha nimo sila;+ nahanaw sila samag usa lang ka damgo;
Pagkabuntag, sila samag sagbot nga moturok.+
8 Gibutang nimo ang among kasaypanan sa imong atubangan;*+
Ang among mga tinago nadayag tungod sa kahayag sa imong nawong.+
9 Ang among mga adlaw* nagkamubo tungod sa imong dakong kasuko;
Ug ang among mga tuig natapos samag hagawhaw.*
Apan kini punog kasamok ug kagul-anan;
Kini dali rang molabay, ug kami mahanaw.+
11 Kinsay makatugkad sa gahom sa imong kasuko?
Ang imong kasuko sama ka dako sa kahadlok nga takos kanimo.+
13 Balik, Oh Jehova!+ Hangtod kanus-a kini magpadayon?+
Kaluy-i ang imong mga alagad.+
14 Sa buntag tagbawa mi sa imong maunongong gugma,+
Aron makasinggit mi sa kalipay ug magsadya+ sa tanan namong adlaw.
15 Lipaya mi sama ka dugay sa mga adlaw nga gisakit mi nimo,+
Sama ka dugay sa mga katuigan nga nakasinati mig katalagman.+