Mga Tigom sa Pag-alagad Alang sa Abril
Semana sa Abril 4-10
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Pahinumdomi ang tanan bahin sa espesyal nga pakigpulong nga igahatag sa Abril 10, nga nag-ulohag “Ang Matuod nga Relihiyon Nagatagbaw sa mga Panginahanglan sa Tawhanong Katilingban.”
15 min: “Ang Bantayanang Torre ug Pagmata!—Mga Mantalaan sa Kamatuoran.” Pangutanag tubag. Dapita ang mamiminaw sa pagsaysay sa mga paagi nga ilang gigamit aron pagpauswag sa mga mapahimutang nga magasin. Ipaasoy sa pipila ang mga kasinatian kon itugot sa panahon.
20 min: “Itanyag ang Labing Maayong mga Magasin sa Kalibotan.” Hisgoti ang materyal sa mamiminaw. Sa pagkobre sa parapo 2, hangyoa ang usa ka magmamantala sa pagsaysay kon sa unsang paagi makasinati sa mga kaundan ug kon unsaon pag-andam ang presentasyon. Hikaya ang duha ka pasundayag kon unsaon pagtanyag ang Abril 1 ug 15 nga mga gula.
Awit 69 ug paniklop nga pag-ampo.
Semana sa Abril 11-17
10 min: Lokal nga mga pahibalo. Hisgoti ang pangunang mga puntos diha sa “Pangutana.”
15 min: “Ang Tigom sa Pag-alagad nga Nagasangkap Kanato sa Matag Maayong Buhat.” Pangutanag tubag. Ilakip ang pasundayag nga nagapakita kon sa unsang paagi ang usa ka pamilya nagapangandam alang sa tigom; ipasiugda ang pagkahinungdanon sa (1) abanteng pagpangandam, (2) suod nga pagtagad, ug (3) pagpakig-ambit.
20 min: “Alagara si Jehova nga Dili Pabalda.” Suplemento. Pangutanag tubag. Kobrehi ang mga parapo 1 ngadto sa 6.
Awit 90 ug paniklop nga pag-ampo.
Semana sa Abril 18-24
10 min: Lokal nga mga pahibalo. Basaha ang taho sa kuwenta ug bisan unsang mga balos-pasalamat sa donasyon sa Sosyedad.
15 min: “Balika ang mga Napahimutang nga Magasin ug Brosyur.” Hisgoti uban sa mamiminaw. Dapitang mga komento kon nganong adunay panginahanglan nga masinati sa mga kaundan sa mga magasin ug sa pag-analisar sa miaging pagsanong sa tagbalay aron pagtino kon unsa ang paagi nga labing maayo. Segon sa itugot sa panahon, ipapasundayag sa takos nga mga magmamantala ang gisugyot nga mga presentasyon.
20 min: “Alagara si Jehova nga Dili Pabalda.” Suplemento. Pangutanag tubag. Kobrehi ang mga parapo 7 ngadto sa 12.
Awit 51 ug paniklop nga pag-ampo.
Semana sa Abril 25–Mayo 1
10 min: Lokal nga mga pahibalo. Teokratikanhong mga Balita.
15 min: “Pagtambong sa Tigom—Usa ka Mabug-at nga Kaakohan.” Pangutanag tubag nga pagkobre. Sa parapo 2, interbiyuha ang mga magmamantala nga nakabuntog sa mga kababagan aron makatambong sa mga tigom nga makanunayon.
20 min: “Ang Pagkahinlo Nagapasidungog sa Diyos.” Ang ansiyano magahisgot sa artikulo uban sa mamiminaw. Taposa uban sa mubong pakigpulong nga nagarepaso sa tambag nga gihatag diha sa Hunyo 1, 1989, Bantayanang Torre, mga panid 15-20.
Awit 75 ug paniklop nga pag-ampo.