Mika

4 Dan bann dernyen zour,

Montanny kot lakaz Zeova i ete

Pou ganny byen etabli par lao bann montanny,

I pou vin pli o ki bann pti montanny

E en kantite dimoun pou al rasanble laba.

“Vini, annou mont lo montanny Zeova

E kot lakaz Bondye Zakob i ete.

I pou montre nou son semen*

E nou pou mars lo son santye.”

Parski lalwa* pou sorti Siyon

E parol Zeova pou sorti Zerizalenm.

 3 I pou ziz bann pep

E i pou met lord avek* bann nasyon pwisan ki lwen.

Zot pou fer zot lepe vin bann pyos

E zot pou fer zot lans vin bann gran kouto.*

Nasyon pa pou lager avek lezot nasyon

E zot pou nepli aprann lager.

 4 Sakenn pou asiz* anba son pye rezen e anba son pye fig

E personn pa pou fer zot per,

Parski Zeova Sef larme ki’n koze.

 5 Parski tou pep pou mars sakenn o non zot bondye,

Me nou, nou pou mars o non Zeova nou Bondye pour touzour e touzour.

 6 La sa ki Zeova i dir, “Sa zour,

Mon pou rasanble bann ki ti pe bwete

E mon pou rasanble bann dimoun ki’n disperse

Ansanm avek sa bann ki mon’n tret dan en fason dir.

 7 Mon pou sov serten parmi bann ki ti pe bwete

E sa bann ki’n ganny anmennen byen lwen pou vin en nasyon pwisan.

Zeova pou dirize konman zot lerwa lo Montanny Siyon,

Depi la konmela e pour touzour.

 8 Tandis ki ou, sa latour ki protez troupo,

Sa montanny kot fiy Siyon i ete,

Ou pou reganny ou dominasyon, wi sa dominasyon ki ou ti annan avan,*

Sa rwayonm ki pour fiy Zerizalenm.

Eski i akoz ou napa lerwa

Oubyen akoz ou konseye in mor?

10 Ou, fiy Siyon, ploy an de dan douler e plennyen,

Parey en madanm ki pe ganny pti baba.

Ou pou al ziska Babilonn

E laba ou pou ganny sove.

Zot pou dir, ‘Ki Siyon i ganny sali

E nou pou vwar sa ki pou arive avek li.’

12 Me zot pa konn bann panse Zeova,

Zot pa konpran son plan.*

Parski mon pou fer ou korn vin feray

E ou sabo* vin kwiv.

Tou sa ki zot in gannyen dan en fason malonnet, ou pou donn Zeova

E zot bann resours, ou pou donn sa vre Senyer lo later antye.”