¿Chuqui yeʼtel jini siervo ministerial?

Jini Biblia miʼ yʌl an chaʼmojt xñoptʼañob, muʼ bʌ mejlel i melob jini eʼtel yaʼ ti congregación, jini «xcʌntayajob [anciano] yicʼot diáconojob [siervo ministerial]» (Filipenses 1:1). An cabʌl lac quermañojob woli bʌ i melob jini eʼtel ti jujumpʼejl congregación tac. ¿Chuqui bʌ eʼtel miʼ melob jini siervo ministerial chaʼan lac wenlel?

Miʼ coltan jini ancianojob. Jini siervo ministerial wen lʌcʼʌl añob yicʼot Jehová, wen miʼ melob i yeʼtel, jin chaʼan mi lac pijtan chaʼan wen miʼ chaʼleñob eʼtel, an chʼitoñob to bʌ yicʼot añobix bʌ i jabilel. Ti jujumpʼejl semana miʼ melob yan tac bʌ eʼtel, anquese mach chaʼanic cʌntesa. Cheʼ jini, wen mi caj i melob i yeʼtel jini ancianojob tiʼ chaʼan bʌ cʌntesa, come maʼanic chuqui mi caj i mʌctañob.

Miʼ melob eʼtel am bʌ i cʼʌjñibal. Lamital jini siervo ministerial miʼ yʌqʼuentelob i yeʼtel bajcheʼ acomodador chaʼan miʼ yʌqʼueñob cortesía woli bʌ i cʼotelob yaʼ ti tempa bʌ. Yañoʼ bʌ miʼ qʼuelob jini aparato de sonido, miʼ pucob jaʼel jini jun tac loqʼuem bʌ ti Biblia, miʼ tsicob jini taqʼuin muʼ bʌ yʌjqʼuel chaʼan congregación yicʼot miʼ subob baqui mi caj i chaʼlentel subtʼan. Cheʼ jaʼel miʼ chaʼleñob coltaya chaʼan miʼ qʼuelob chuqui yom bʌ miʼ tojʼesʌntel yaʼ ti Yotlel Tempa bʌ. Jini ancianojob miʼ mejlel i subeñob jini siervo ministerial chaʼan miʼ coltañob jini laj quermañojob añobix bʌ i jabilel. Baqui jach bʌ eʼtel miʼ yʌqʼuentelob, jini siervo ministerial miʼ melob, jin chaʼan miʼ qʼuejlelob ti ñuc ti laj quermañojob (1 Timoteo 3:13).

An wem bʌ i melbalob yom bʌ mi lac lajin. Jini siervo ministerial miʼ yajcʌntelob come wen i melbalob. Cheʼ miʼ chaʼleñob cʌntesa ti tempa bʌ, miʼ pʼʌtʼesañob ñopol bʌ c chaʼan lojon ti Dios. Cheʼ miʼ chaʼleñob wersa i pʌsob bij chaʼan subtʼan, miʼ coltañonla chaʼan mi lac ñumen chaʼlen subtʼan jaʼel. Cheʼ miʼ melob muʼ bʌ i subentelob ti anciano, miʼ yʌcʼob chaʼan jini congregación temel miʼ yajñel yicʼot chaʼan tijicñayob (Efesios 4:16). Jumpʼejl bʌ qʼuin mi caj i waʼchocontelob jaʼel bajcheʼ anciano.

• ¿Bajcheʼ yilal i melbal jini siervo ministerial?

• ¿Bajcheʼ miʼ chaʼleñob coltaya jini siervo ministerial ti congregación?