¿Muʼ ba caj i tejchel jiñi Armagedón ti Israel? | ¿Chuqui miʼ yʌl jiñi Biblia?

Jiñi Biblia maʼañic miʼ yʌl chaʼan jiñi Armagedón jumpʼejl jach wocol muʼ bʌ i yujtel ti jumpʼejl parte. Muʼ bʌ i yʌl jiñʌch chaʼan jumpʼejlʌch guerra tiʼ petol pañimil baqui ochem Dios yicʼot pejtelel jiñi yumʌlob.

• «Tʼan tacʌch tilem bʌ ti xibajob [...] woliʼ majlel tiʼ tojlel jiñi reyob tiʼ petol pañimil chaʼan miʼ tempañob ti jiñi guerra chaʼan bʌ jiñi ñuc bʌ i qʼuiñilel Dios, jiñi Mach bʌ añic i pʼisol i pʼʌtʌlel [...]. I tsiʼ tempayob jiñi reyob ti jiñi ajñibʌl i cʼabaʼ Armagedón» (Apocalipsis 16:14, 16).

Jiñi tʼan Armagedón tilem ti jiñi tʼan am bʌ ti hebreo Har Meghiddóhn, yom bʌ i yʌl «wits i chaʼan Meguidó». Meguidó i cʼabaʼ jumpʼejl tejclum am bʌ ti Israel ti wajali. Jin chaʼan, an muʼ bʌ i ñaʼtañob chaʼan jiñi Armagedón yaʼʌch miʼ cajel ti Israel. Pero mach jasʌlic i colemlel jiñi lum am bʌ tiʼ joytilel Meguidó mi yicʼotic yambʌ tejclum tac am bʌ tiʼ oestejlel Asia (Oriente Próximo) chaʼan miʼ yochel «jiñi reyob tiʼ petol pañimil» yicʼot i soldadojob.

Jiñi libro chaʼan Apocalipsis tsaʼ tsʼijbunti ti lajiya tac (Apocalipsis 1:1). Jin chaʼan, jiñi Armagedón mach jumpʼejlic ajñibʌl, jumpʼejlʌch guerra muʼ bʌ caj i yujtel tiʼ pejtelel pañimil baqui jiñi tejclum tac mi caj i temob i bʌ tiʼ contra jiñi i Yumʌntel Dios (Apocalipsis 19:11-16, 19-21).