¿Tsaʼ ba i cʼʌñʌ Dios jiñi evolución chaʼan miʼ mel pejtelel chuqui cuxul bʌ wʌʼ ti Pañimil?

Maʼañic. Jiñi Biblia miʼ yʌl chaʼan jiñʌch Dios tsaʼ bʌ i meleyonla yicʼot pejtelel chuqui cuxul tac bʌ, bajcheʼ jiñi añimal tac o teʼ tac (Génesis 1:12, 21, 25, 27; Apocalipsis 4:11). Jiñi Biblia miʼ yʌl chaʼan joñonla tilemonla ti Adán yicʼot Eva (Génesis 3:20; 4:1). Maʼañic miʼ yʌl chaʼan Dios tsiʼ cʼʌñʌ jiñi evolución chaʼan miʼ mel pejtelel chuqui cuxul bʌ wʌʼ ti Pañimil. Pero jiñi Biblia maʼañic miʼ jatsʼ ti tʼan muʼ bʌ i yʌl jiñi ciencia chaʼan bajcheʼ miʼ mejlel ti qʼuextʌyel jiñi cuxul tac bʌ.

• ¿Chuqui miʼ yʌl yambʌ lac piʼʌlob?

• ¿Muʼ ba i taj i bʌ muʼ bʌ i yʌl jiñi evolución yicʼot muʼ bʌ i yʌl jiñi Biblia?

• Come jiñi cuxul tac bʌ miʼ mejlel ti ñʌmʼan baqui jach, ¿yom ba i yʌl jiñi chaʼan i sujmʌch muʼ bʌ i yʌl jiñi evolución?

Jiñi lac piʼʌlob muʼ bʌ i ñopob chaʼan Dios tsiʼ cʼʌñʌ jiñi evolución chaʼan miʼ mel jiñi cuxul tac bʌ cabʌl jax bajcheʼ miʼ ñaʼtañob chaʼan bajcheʼ tsiʼ mele Dios jiñi.

• Pejtelel jiñi cuxul tac bʌ junsujm jach baqui tsaʼ tili tsaʼ bʌ i chaʼle i bʌ ti evolucionar.

• An muʼ bʌ i ñaʼtañob chaʼan jiñi cuxul tac bʌ miʼ mejlel i chaʼleñob i bʌ ti evolucionar chaʼan yambʌlix chuqui miʼ sujtelob. Jumpʼejl ejemplo, miʼ yʌlob chaʼan jiñi batsʼ miʼ chaʼlen i bʌ ti evolucionar chaʼan miʼ sujtelob ti wiñic.

• Dios jiñʌch muʼ bʌ i mel iliyi.

Miʼ sujmʌch jiñi evolución, mach i luʼ i sujmic muʼ bʌ i yʌl Génesis chaʼan jiñi melbil tac bʌ. Pero Jesús tsiʼ pʌsʌ chaʼan i sujmʌch muʼ bʌ i yʌl Génesis (Génesis 1:26, 27; 2:18-24; Mateo 19:4-6). Jiñi Biblia miʼ yʌl chaʼan cheʼ bʌ Jesús maxto tilemic ila ti Lum, chumul yaʼ ti panchan yicʼot Dios i tsiʼ colta i mel «pejtelel chuqui an» (Juan 1:3). Jin chaʼan, cheʼ bʌ miʼ yʌjlel chaʼan Dios tsiʼ cʼʌñʌ jiñi evolución chaʼan miʼ mel jiñi cuxul tac bʌ maʼañic miʼ taj i bʌ yicʼot muʼ bʌ i yʌl jiñi Biblia.

Jiñi Biblia maʼañic miʼ yʌl bajcheʼ cʼamel miʼ mejlel ti qʼuextʌyel chuqui cuxul. Cheʼ jaʼel, maʼañic miʼ jatsʼ ti tʼan cheʼ bʌ miʼ yʌjlel chaʼan jiñi añimal tac yicʼot teʼ tac miʼ mejlel ti qʼuextʌyel cheʼ bʌ miʼ pʼojlel majlel o cheʼ bʌ miʼ ñʌmʼañob baqui miʼ chumtʌlob. An muʼ bʌ i ñaʼtañob chaʼan jiñi jiñʌch jiñi evolución, pero jiñi mach i sujmic come cheʼ bʌ miʼ yujtel jiñi maʼañic chuqui tsijiʼ bʌ miʼ tejchel ti jiñi wʌn añix bʌ.