Сыхӑ тӑрӑр, ҫирӗп пулӑр, тӗрекленӗр

1. Сыхӑ тӑрӑр, тӗрекленӗр,

Ҫирӗп пултӑр ӗненӳ.

Малалла хӑюллӑ пӑхӑр —

Питӗ ҫывӑх ҫӗнтерӳ.

Тӑвӑр мӗн Христос каланине,

Ҫар пек ҫирӗп тӑрӑр ун енче.

2. Сыхӑ тӑрӑр, хатӗр пулӑр

Пӑхӑнма та итлеме.

Христоса итлес тесессӗн

Итлӗр унӑн чурине.

Пӑхӑнар ӗҫчен кӗтӳҫсене —

Тимлесе итлер канашсене.

3. Сыхӑ тӑрӑр, ҫирӗп пулӑр

Ыр хыпар сарас ӗҫре.

Тӑшмансем пит тапӑнсан та

Чараймаҫ вӗсем пире.

Туррӑн кунӗ ҫывӑх пулнине

Пурте пӗлччӗр пӗтӗм ҫӗр ҫинче.