Hiob
16 Hiob ɖo eŋu be:
2 “Mese nya siawo tɔgbi geɖe.
Akɔfala siwo doa nuxaxa na ame koe mi katã mienye!+
3 Ðe nya gbɔlo* siawo nu ava tsoa?
Nu kae ve wò be nèle nya ŋu ɖom alea?
4 Nye hã mate ŋu aƒo nu abe miawo ke ene.
Ne ɖe miele tenyeƒe la,*
Anye ne mate ŋu agblɔ nya gã nya gãwo ɖe mia ŋu alea
Eye mate ŋu aʋuʋu ta ɖe mia ŋu hafi.+
6 Ne meƒo nu la, nye vevesesea dzi maɖe akpɔtɔ o,+
Eye ne mezi ɖoɖoe hã, ɖe wòafa nama?
8 Wò asi su dzinye hã, eye wòzu ɖaseɖiɖi,
Ale be meɖi ku eye nye kuɖiɖi sia tso hele ɖase ɖim ɖe mo nam kã.
9 Eƒe dɔmedzoe vuvum ʋayaʋaya, eye wòlém ɖe dɔme.+
Eɖua aɖukli ɖe ŋunye.
Nye ketɔ la klẽ ŋku ɖe ŋunye.+
11 Mawu gblẽm ɖe ŋutsuviwo si me,
Eye wòtsɔm de asi na ame vɔ̃ɖiwo.+
12 Meli bɔkɔɔ, gake egbãm nyanyanya;+
Elé ʋume nam, eye wòtsɔm xlã ɖi megbã ʋayaʋaya;
Etsɔm ɖo nudzidzea na eɖokui.
14 Eŋɔm flofloflo;
Elũ ɖe dzinye abe aʋawɔla ene.
16 Mefa avi ʋuu nye mo do ʋusrã,+
Eye blukɔ* tsyɔ nye aɖabawo dzi,
17 Evɔ nu madzɔmadzɔ aɖeke mele nye asiwo me o
Eye nye gbedodoɖa le dzadzɛ hafi.
18 Oo anyigba, mègatsyɔ nye ʋu dzi o!+
Eye gbɔɖemeƒe meganɔe na nye ɣlidodo o!
19 Fifia gɔ̃ hã, nye ɖasefo le dziƒowo;
Ame si aʋli tanye la le dzi ʋĩi.
21 Ne ɖe ame aɖe atso nya me le amegbetɔ kple Mawu dome,
Abe ale si wotsoa nya me le ame kple ehavi dome ene ɖe!+