Psalmowo

85 Oo Yehowa, ève wò anyigba la nu;+

Èkplɔ Yakob ƒe ame siwo woɖe aboyoe la gbɔe.+

 2 Ètsɔ wò dukɔ la ƒe vodada ke;

Ètsɔ woƒe nu vɔ̃wo katã ke wo.*+ (Sela)

 3 Èlé wò dɔmedzoe katã nu;

Èɖo asi wò dziku helĩhelĩ la dzi.+

 4 Oo Mawu, míaƒe xɔnametɔ, gaɖo mí te,*

Eye mègana míaƒe nu naku dzi na wò o.+

 6 Ðe màgagbɔ agbe mí

Ne wò dukɔ la nakpɔ dzidzɔ ɖe ŋuwò oa?+

 7 Oo Yehowa, ve mía nu,+

Eye nàxɔ na mí.

 8 Maɖo to ase nya si gblɔ ge Mawu vavã Yehowa le,

Elabena agblɔ ŋutifafanya na eƒe dukɔ,+ na ame siwo wɔa nuteƒe nɛ la;

Ðeko womegatrɔ zu ame siwo kana ɖe wo ɖokuiwo dzi akpa o.+

 9 Nyateƒee, eƒe xɔname tsɔ ɖe ame siwo vɔ̃nɛ la gbɔ,+

Ne eƒe ŋutikɔkɔe nanɔ míaƒe anyigba la dzi.

10 Amenuveve kple nuteƒewɔwɔ ado go wo nɔewo;

Dzɔdzɔenyenye kple ŋutifafa agbugbɔ nu na wo nɔewo.+

11 Nuteƒewɔwɔ amie tso anyigba me,

Eye dzɔdzɔenyenye ado mo ɖa tso dziƒowo.+

12 Ɛ̃, Yehowa ana nu nyuiwo mí,*+

Eye míaƒe anyigba awɔ nu.+

13 Dzɔdzɔenyenye adze eŋgɔ,+

Eye wòata mɔ na eƒe afɔtoƒewo.