Lododowo
24 Mègaʋã ŋu ame vɔ̃ɖiwo o,
Eye megadzro wò be nàde ha kpli wo o,+
2 Elabena woƒe dzi bua ŋutasẽnuwɔwɔ ŋu,
Eye woƒe nuyiwo gblɔa vɔ̃ ko.
5 Ame si si nunya le la, ŋusẽ le esi,+
Eye sidzedzee wotsɔna dzia ŋusẽ ɖe edzii.
7 Nunya vavãtɔ mate ŋu asu bometsila si o;+
Nya aɖeke mele esi wòagblɔ le dugbo la nu o.
8 Ame si ɖoa vɔ̃ be yeawɔ la,
Woayɔe be susu vɔ̃ ɖolawo ƒe amegã.+
11 Xɔ na ame siwo wokplɔ yina wuwu ge,
Eye ɖe ame siwo le ya mum sagasaga ɖo ta wo wuƒe la.+
12 Ne ègblɔ be, “Míenya naneke tso esia ŋu o” la,
Ðe Ame si dzroa dziwo* me kpɔna la ŋutɔ madze sii oa?+
13 Vinye, no anyitsi, elabena enyo;
Anyitsi si tso anyixe me vivina le veme.
14 Nyae be nenema kee nunya hã nyo na wò.*+
Ne èke ɖe eŋu la, ekema eme anyo na wò le etsɔme,
Eye wò mɔkpɔkpɔ nu mayi o.+
15 Mègaɖo tame vɔ̃ ade xa ɖe ame dzɔdzɔe ƒe aƒe ŋu o;
Mègagblẽ eƒe gbɔɖemeƒe o.
16 Elabena ne ame dzɔdzɔe dze anyi zi adre hã la, agafɔ,+
Ke ame vɔ̃ɖiwo ya la, vɔ̃ ahe wo aƒu anyi.+
17 Ne wò futɔ dze anyi la, mègakpɔ dzidzɔ o,
Eye ne ekli nu la, wò dzi megatso aseye o;+
18 Ne menye nenema o la, Yehowa akpɔ esia eye manyo eŋu o,
19 Dzi megaku wò le nu vlo wɔlawo ta o;
Mègaʋã ŋu ame vɔ̃ɖiwo o,
20 Elabena etsɔme aɖeke meli na ame vlowo o;+
Ame vɔ̃ɖiwo ƒe akaɖi atsi.+
21 Vinye, vɔ̃ Yehowa kple fia la.+
Eye ame kae nya vɔ̃ si wo kple evea* ahe ava wo dzi?+
23 Nya siawo hã tso nunyala gbɔ:
Ameŋkumekpɔkpɔ le ʋɔnudɔdrɔ̃ me menyo o.+
24 Ame si gblɔna na ame vɔ̃ɖi be, “Tɔwò dzɔ”+ la,
Amewo ado ɖiŋu nɛ, eye dukɔwo ahe nya ɖe eŋu vevie.
26 Ame si ɖoa nya ŋu ale si tututu wòle la, woagbugbɔ nu nɛ.*+
28 Mèganye ɖasefo ɖe hawòvi ŋu dzodzro o.+
Mègatsɔ wò nuyiwo ble amewo o.+
32 Melé ŋku ɖe esia ŋu, eye metsɔe de dzi me;
Mekpɔe, eye nu si mesrɔ̃ tso emee nye be:*
33 Gadɔ alɔ̃ vie, gadɔ akɔlɔ̃e sẽe,
Gade asi asitɛ me nàgbɔ ɖe eme vie,
34 Ekema ahedada aɖi ɖe wò abe fiafi ene,
Eye hiã aƒo ɖe dziwò kpoyi abe adzoblasu ene.+