5 “Tsɔ wɔ memee mè abolo kotoe wuieve. Tsɔ wɔ efa me mama ɖe ewo ƒe akpa eve* ƒo aboloawo dometɔ ɖe sia ɖe. 6 Nàɖo wo ɖe wo nɔewo dzi le agbaka eve me ɖe sikakplɔ̃ la dzi le Yehowa ŋkume;+ ade nanɔ agbaka ɖeka me.+ 7 Eye nàtsɔ lifi ɣi nyuitɔ ada ɖe agbaka eveawo dzi, be esia nanye kpɔɖeŋudzovɔsa*+ ƒe abolo na Yehowa. 8 Na wòaɖo aboloa ɖe ɖoɖo nu le sabat sia sabat dzi le Yehowa ŋkume ɖaa.+ Nubabla wònye le nye kple Israel-viwo dome ɖaa. 9 Woanye Aron kple viaŋutsuwo tɔ,+ eye woaɖui le teƒe kɔkɔe,+ elabena nu kɔkɔewo ƒe nu kɔkɔe wònye nɛ tso Yehowa ƒe dzovɔsawo me; ɖoɖo mavɔ wòanye.”