4 Mose
23 Bileam gblɔ na Balak be: “Ði vɔsamlekpui+ adre ɖe afi sia eye nàna woakplɔ nyitsu adre kple agbo adre vɛ nam.” 2 Enumake Balak wɔ abe ale si tututu Bileam gblɔ ene. Eye Balak kple Bileam tsɔ nyitsu ɖeka kple agbo ɖeka sa vɔ le vɔsamlekpuiawo dometɔ ɖe sia ɖe dzi.+ 3 Eye Bileam gblɔ na Balak be: “Va tɔ ɖe wò numevɔsa la gbɔ, ne maɖe kpɔ. Ðewohĩ Yehowa agblɔ nya aɖe nam. Nu sia nu si wòaɖe afiam la, magblɔe na wò.” Ale wòyi togbɛ ƒeƒle aɖe dzi.
4 Mawu ɖe eɖokui fia Bileam+ eye Bileam gblɔ nɛ be: “Meɖi vɔsamlekpui adreawo ɖe akasa nu, eye metsɔ nyitsu ɖeka kple agbo ɖeka sa vɔ le vɔsamlekpuiawo dometɔ ɖe sia ɖe dzi.” 5 Yehowa de nya aɖe nu na Bileam,+ eye wògblɔ nɛ be: “Trɔ yi Balak gbɔ nàgblɔ nya siawo nɛ.” 6 Ale wòtrɔ va Balak gbɔ hekpɔ eya kple Moab-megãwo katã wotɔ ɖe eƒe numevɔsa la gbɔ. 7 Eye wòdo hamelo sia nɛ be:+
“Moab-fia Balak kplɔm tso Aram,+
Tso ɣedzeƒetowo dzi be,
‘Va ƒo fi de Yakob nam.
Ɛ̃, va do ɖiŋu na Israel.’+
8 Aleke wɔ maƒo fi ade ame siwo Mawu meƒo fi de o?
Eye aleke wɔ mado ɖiŋu na ame siwo Yehowa medo ɖiŋu na o?+
9 Mele wo kpɔm tso agakpewo tame,
Eye mele wo kpɔm tso togbɛwo dzi.
10 Ame kae ate ŋu axlẽ Yakob si sɔ gbɔ abe kekuiwo+ ene
Alo ate ŋu axlẽ Israel ƒe akpa enelia gɔ̃ hã?
Madi be maku* abe ale si ame dzɔdzɔe kunae ene,
Eye nye nuwuwu nanɔ abe wo tɔ ene.”
11 Eye Balak gblɔ na Bileam be: “Nu kae nye esia nèwɔ ɖe ŋunye? Ðe mekplɔ wò vɛ be nàƒo fi ade nye futɔwo nam, ke kpɔ ɖa, èva yra wo boŋ.”+ 12 Eɖo eŋu nɛ be: “Alo menye nya si Yehowa de nu nam lae wòle be magblɔ oa?”+
13 Balak gagblɔ nɛ be: “Meɖe kuku, va míayi teƒe bubu, afi si nàte ŋu atɔ ɖo akpɔ wo le. Dukɔ la ƒe akpa sue aɖe ko nàkpɔ, màkpɔ wo katã o. Nɔ afi ma nàƒo fi ade wo nam.”+ 14 Eye wòkplɔe yi Zofim gbedzi, le Pisga To tame,+ eye wòɖi vɔsamlekpui adre hetsɔ nyitsu ɖeka kple agbo ɖeka sa vɔ le vɔsamlekpuiawo dometɔ ɖe sia ɖe dzi.+ 15 Eya ta Bileam gblɔ na Balak be: “Tɔ ɖe afi sia, ɖe wò numevɔsa la gbɔ, ne mayi aɖado ɖe Eŋkume le afi mɛ.” 16 Eye Yehowa ɖe eɖokui fia Bileam, eye wòde nya nu nɛ, eye wògblɔ be:+ “Trɔ yi Balak gbɔ nàgblɔ nya siawo nɛ.” 17 Ale wòtrɔ va egbɔ hekpɔ eya kple Moab-megãwo wotɔ ɖe eƒe numevɔsa la gbɔ. Eye Balak biae be: “Nya kae Yehowa gblɔ?” 18 Eye wòdo hamelo sia nɛ be:+
“Balak, tso nàsee.
Oo Zipor vi, ɖo tom.
Ne egblɔ nya aɖe la, ɖe mawɔ edzi oa?
Ðe wòaƒo nu, eye mawɔ edzi oa?+
21 Maɖe mɔ gbesa aɖeke naɖi Yakob ŋu o,
Eye maɖe mɔ vɔ̃ aɖeke nava Israel dzi o,
Yehowa eƒe Mawu la li kpli wo,+
Eyae nye woƒe fia si ƒe kafukafu de dzi le wo dome.
22 Mawu kplɔ wo tso Egipte gbɔna.+
Ele abe gbenyi ƒe dzo ene na wo.+
Woate ŋu agblɔ le Yakob kple Israel ŋu fifia be,
‘Kpɔ nu si gbegbe Mawu wɔ ɖa!’
24 Kpɔ ɖa, dukɔ sia anyɔ abe dzata ene,
Eye wòatso ɖe afɔ nu abe dzatatsu ene.+
Matsyɔ akɔ anyi o, va se ɖe esime wòɖu eƒe nuléle hafi,
Eye wòno ame siwo wòwu la ƒe ʋu.”
25 Eye Balak gblɔ na Bileam be: “Ne màte ŋu aƒo fi ade wo kura o la, ekema mègayra wo hã o.” 26 Bileam ɖo eŋu na Balak be: “Ðe nyemegblɔe na wò be, ‘Nya si Yehowa agblɔ la dzie mawɔ ɖo’ oa?”+
27 Balak gblɔ na Bileam be: “Meɖe kuku, na magakplɔ wò ayi teƒe bubu. Ðewohĩ asɔ le Mawu vavã la ŋkume be nànɔ afi ma aƒo fi ade wo nam.”+ 28 Eye Balak kplɔ Bileam yi Peor tame, afi si dze ŋgɔ Yesimon.*+ 29 Eye Bileam gblɔ na Balak be: “Ði vɔsamlekpui adre ɖe afi sia nam, eye na woakplɔ nyitsu adre kple agbo adre vɛ nam.”+ 30 Ale Balak wɔ abe ale si tututu Bileam gblɔe ene, eye wòtsɔ nyitsu ɖeka kple agbo ɖeka sa vɔ le vɔsamlekpuiawo dometɔ ɖe sia ɖe dzi.