Habakuk
3 Nyagblɔɖila Habakuk ƒe gbedodoɖa si nye konyifaha:
2 Oo Yehowa, mese nya le ŋuwò.
Oo Yehowa, wò dɔwɔwɔ na vɔvɔ̃ ɖom.
Gbɔ agbe wò dɔwɔwɔ le ƒeawo me!*
Ðee fia le ƒeawo me.*
Ðo ŋui nàkpɔ nublanui le wò dzikudoɣi.+
Eƒe bubu xɔ dziƒowo keŋ;+
Eye eƒe kafukafu yɔ anyigba dzi taŋ.
4 Eƒe keklẽ le abe ɣe ƒe keklẽ ene.+
Keklẽ eve do tso eƒe asi me,
Afi si eƒe ŋusẽ be ɖo.
Ekpɔ nu, eye wòna dukɔwo dzo nyanyanya.+
Blematowo kaka keŋkeŋ,
Eye gbe aɖe gbe togbɛwo ŋe dze eme.+
Aleae eƒe mɔwo le tso keke blemablema ke.
7 Mekpɔ Kusan ƒe agbadɔwo le xaxa me.
Midian-nyigba ƒe agbadɔvɔwo dzo nyanyanya.+
8 Oo Yehowa, tɔsisiwo ŋue dzi le kuwòm helĩhelĩ ɖoa,
Tɔsisiwo ŋuea?
Alo atsiaƒu ŋue nèdo dɔmedzoe ɖoa?+
9 Èɖe wò dati ɖe go hena wòsɔ gbe.
Woka atam ɖe wò atikplɔawo* ŋu.* (Sela)
Ètsɔ tɔsisiwo ma anyigba lae.
10 Towo kpɔ wò, eye wodzo kpekpekpe le vevesese me.+
Tsi gã dza hesi va yi.
Tsi goglo la ɖe gbe.+
Eye wòdo eƒe alɔwo ɖe dzi.
11 Ɣe kple ɣleti tɔ ɖe wo nɔƒe le dziƒo ɖaa.+
Wò aŋutrɔwo lũ ʋɔ abe kekeli ene.+
Wò akplɔ ƒe dzodada teƒe mekɔ o.
12 Èzɔ to anyigba la dzi le dɔmedzoe helĩhelĩ me.
Èfanya dukɔwo le dziku me.
13 Èho be nàxɔ na wò dukɔ, be nàɖe wò amesiamina la.
Ègbã ame vɔ̃ɖi ƒe aƒe la ƒe tatɔ gudugudu.
Etsi ƒeƒle tso gɔmeɖoanyi dzi va se ɖe etame.* (Sela)
Wotso aseye be yewoavuvu wɔnamanɔŋutɔ la le bebeme.
15 Ètsɔ wò sɔwo to atsiaƒu la me,
To tɔ gã gbanaa dzeagbowo me.
Nyunyɔ ɖo nye ƒuwo me;+
Nye afɔwo nɔ ƒoƒom le tenye.
Ke hã, menɔ anyi kpoo lala xaxagbe la,+
Elabena egbɔna dukɔ siwo tso ɖe mía ŋu la dzi.
17 Togbɔ be gboti maƒo se o,
Eye wainkawo matse o;
Togbɔ be amiti mawɔ o,
Eye agblewo* mana nuɖuɖu o;
Togbɔ be alẽwo avɔ keŋ le kpo me,
Eye nyi aɖeke manɔ nyikpowo me o hã la;
18 Nye ya matso aseye ɖe Yehowa ŋu;
Makpɔ dzidzɔ ɖe nye xɔname ƒe Mawu la ŋu.+
19 Aƒetɔ Dziɖulagã Yehowae nye nye ŋusẽ;+
Ana nye afɔwo nanɔ abe zinɔ tɔ ene,
Eye wòana mazɔ le kɔkɔƒewo.+
Na henɔ la; ɖe nye kasaŋkuwo ƒe ɖiɖi dzi.