Yesaya

31 Baba na ame siwo yia Egipte ɖabiaa kpekpeɖeŋu,+

Ame siwo ɖoa dzi ɖe sɔwo ŋu,+

Ame siwo ɖoa ŋu ɖe aʋatasiaɖamwo ŋu, elabena wosɔ gbɔ,

Eye woɖoa ŋu ɖe aʋawɔsɔwo* ŋu, elabena ŋusẽ le wo ŋu,

Ke womeɖoa ŋu ɖe Israel Ƒe Kɔkɔetɔ la ŋu o,

Eye womedia Yehowa yome mɔ o.

 2 Nunyalae eya hã nye, eye wòahe gbegblẽ avɛ,

Magbe eya ŋutɔ ƒe nyawo dzi wɔwɔ o.

Atso ɖe nu vlo wɔlawo ƒe aƒe

Kple ame siwo doa alɔ nu vɔ̃ɖi wɔlawo la ŋu.+

 3 Egiptetɔwo la, amegbetɔ dzro ko wonye, menye Mawu o;

Woƒe sɔwo la, ŋutilãe wonye, menye gbɔgbɔ o.+

Ne Yehowa do eƒe asi ɖa la,

Kpeɖeŋutɔ la akli nu,

Ame si ŋu wole kpekpem ɖo la hã adze anyi;

Eye wo katã nu ayi ɖekae.

“Ale si ko dzata alo dzatatsui* tea gbe ɖe eƒe nuléle ŋu,

Eye ne woyɔ lãkplɔviwo katã ɖe eŋu hã,

Mevɔ̃na le woƒe ɣli,

Alo hoowɔwɔ ta o la,

Nenemae aʋakɔwo ƒe Yehowa aɖi ava wɔ aʋa

Le Zion To la kple eƒe togbɛ dzi.

 8 Asiriatɔ la atsi yi nu, ke menye ame ƒe yi nu o;

Eye yi aɖui, ke menye amegbetɔ tɔ o.+

Asi le yi nu,

Eye woazi eƒe ɖekakpuiwo dzi woawɔ dɔ sesẽ.

 9 Eƒe agakpe la nu ayi le vɔvɔ̃ ko ta,

Eye ŋɔdzi alé eƒe amegãwo le dzesiti la ta,”

Yehowa, ame si ƒe kekeli* le Zion, eye eƒe kpodzo le Yerusalem, ye gblɔe.