Lododowo
1 Israel-fia+ Salomo,+ David+ vi, ƒe lododowoe nye esiawo:
2 Ne woadze nunya+ eye woaxɔ amehehe;
Ne woase nya goglowo gɔme;
3 Ne woaxɔ hehe+ si naa gɔmesese deto sua ame si,
Ne woawɔ nu dzɔdzɔe,+ abu nuwo ŋu nyuie*+ ahawɔ nu si le eteƒe;*
4 Ne ame makpɔnuteƒewo nadze aɖaŋu;+
Ne ɖekakpui nadze nunya eye tamebubuŋutete+ nasu esi.
5 Nunyala asee, eye wòasrɔ̃ nu geɖe akpee;+
Eye nugɔmesela axɔ mɔfiame nyuitɔwo,*+
6 Ne wòase lododowo, abebubuwo,
Nunyalawo ƒe nyawo kple woƒe adzowo gɔme.+
7 Yehowa vɔvɔ̃e nye sidzedze ƒe gɔmedzedze.+
Bometsilawoe doa vlo nunya kple amehehe.+
10 Vinye, ne nu vɔ̃ wɔlawo le nuwò blem la, mègalɔ̃ ɖe edzi o.+
11 Ne wogblɔ be: “Yi kpli mí.
Na míade xa akɔ ʋu ɖi.
Na míanɔ adeklo dzi ɖe ame maɖifɔwo ŋu dzro ko.
12 Na míami wo agbagbee abe ale si Tsiẽƒe* mia amee ene,
Míami wo bliboe abe ale si wònɔna na ame siwo yina aʋli me ene.
13 Na míaxɔ woƒe nu veviwo katã;
Míatsɔ aboyonu ayɔ míaƒe xɔwo me taŋ.
15 Vinye, mègayi kpli wo o.
17 Ne woɖo ɖɔ ɖi na xevi le xevia ŋkume la, dzodzroe.
19 Aleae ame siwo katã dia viɖe ƒoɖi la ƒe mɔwo le,
Ke viɖe ƒoɖi la aɖe ame siwo ƒe asi su edzi la ƒe agbe* ɖa.+
20 Nunya vavãtɔ+ le ɣli dom le kpɔdomee.+
Eƒe gbe le dzi dem le ablɔwo me.+
21 Ele ɣli dom le ablɔ siwo dzi zinyenye le la ƒe dzogoe dzi.*
Ele gbɔgblɔm le dua ƒe agbowo nu be:+
22 “Va se ɖe ɣekaɣi mi ame manyanuwo mianɔ numanyamanya dzi?
Va se ɖe ɣekaɣi mi fewuɖulawo mianɔ dzidzɔ kpɔm ɖe fewuɖuɖu ŋu?
Eye va se ɖe ɣekaɣi mi bometsilawo mianɔ fu lém sidzedze?+
Ekema matrɔ nye gbɔgbɔ akɔ ɖi na mi;
Mana mianya nye nyawo.+
24 Esi meyɔ mi gake miegbe,
Meke nye abɔwo me na mi gake mia dometɔ aɖeke mede nu eme nam o,+
25 Miedo toku nye aɖaŋuɖoɖowo katã,
Eye miegbe nye mokanamewo.
26 Nye hã mako nu ne vɔ̃ dzɔ ɖe mia dzi;
Maɖe alɔme le mia ŋu ne nu si dzia ŋɔ na mi la dzɔ,+
27 Ne nu si dzia ŋɔ na mi la va mia dzi abe ahom ene,
Ne vɔ̃ ɖi kpe mi abe ahomya ene,
Eye hiã kple xaxa tu mi.
28 Ɣemaɣi la, woayɔm gake nyematɔ o;
Woadim vevie gake womakpɔm o,+
29 Elabena wolé fu sidzedze,+
Eye wometia Yehowa vɔvɔ̃ o.+
30 Wogbe nye aɖaŋuɖoɖowo;
Wodo vlo nye mokanamewo katã.
32 Elabena ame makpɔnuteƒewo la, woƒe tosesẽe awu wo,
Eye bometsilawo ya, kakaɖeameɖokuidzie atsrɔ̃ wo.