Yesaya

35 Gbegbe kple kuɖiɖinyigba akpɔ dzidzɔ,+

Tagba atso aseye, eye wòaƒo se abe dzogbenya ene.+

 2 Aƒo se;+

Akpɔ dzidzɔ eye wòatso aseye.

Woatsɔ Lebanon ƒe ŋutikɔkɔe anɛ,+

Woatsɔ Karmel+ kple Saron+ ƒe atsyɔ̃ anɛ.

 3 Mido ŋusẽ alɔ gblɔdɔwo,

Eye mido ŋusẽ klo siwo le ƒoƒom.+

Kpɔ ɖa! Mia Mawu ava kple hlɔ̃biabia,

Mawu ava kple teƒeɖoɖo.+

 5 Ɣemaɣi la, ŋkuagbãtɔwo ƒe ŋku aʋu,+

Eye tokunɔwo ƒe to aʋu.+

 6 Ɣemaɣi la, bunɔwo ati kpo abe zi ene,+

Eye aɖetututɔwo ƒe aɖe atso aseye.+

Elabena tsi aŋɔ tso gbegbe,

Eye tɔsisi atso tagba.

 7 Bleziblezi azu ta,

Eye kuɖiɖinyigba azu tsidzɔƒe.+

Agbotoewo nɔƒe, afi si wotsyɔa akɔ ɖo la+

Azu afi si gbe, aɖa kple aƒla mie ɖo.

 8 Mɔ gã aɖe anɔ afi ma,+

Ɛ̃, woayɔe be Kɔkɔenyenye ƒe Mɔ.

Anye toƒe na ame siwo zɔna le mɔ la dzi,

Eye bometsila aɖeke matra ava to edzi o.

 9 Dzata aɖeke manɔ afi ma o,

Eye lã wɔadã aɖeke mato edzi o.

Womakpɔ wo le afi ma o;+

Ame siwo wogbugbɔ ƒle la koe ato afi ma.+

Woakpɔ dzidzɔ atso aseye,

Eye nuxaxa kple hũɖeɖe abu ɖe wo.+