Psalmowo

86 Oo Yehowa, ƒu to anyi ne nàtɔ nam,*

Elabena mele fu kpem, eye hiã tum.+

Ðe wò subɔla si ɖoa ŋu ɖe ŋuwò la,

Elabena wòe nye nye Mawu.+

 3 Oo Yehowa, ve nunye,+

Elabena wò yɔm mele ŋkeke bliboa.+

 4 Oo Yehowa, do dzidzɔ na wò subɔla,*

Elabena ŋuwòe metrɔ ɖo.*

 5 Oo Yehowa, wò dɔme nyo,+ eye nèlɔ̃a tsɔtsɔke;+

Amenuveve bɔ ɖe asiwò na ame siwo katã yɔa wò la.+

 6 Oo Yehowa, se nye gbedodoɖa;

Eye nàlé to ɖe nye kokoƒoƒo be nàkpe ɖe ŋunye la ŋu.+

 7 Mayɔ wò le nye xaxagbe,+

Elabena àtɔ nam.+

 8 Oo Yehowa, mawu aɖeke mede nuwò o,+

Eye dɔ aɖeke hã mede wò dɔwɔwɔwo nu o.+

 9 Dukɔ siwo katã nèwɔ la,

Oo Yehowa, woava de ta agu ɖe ŋkuwòme,+

Eye woado wò ŋkɔ la ɖe dzi.+

10 Elabena èlolo, eye nèwɔa nukunuwo;+

Wò ɖeɖe koe nye Mawu.+

12 Oo Yehowa, nye Mawu, mele kafuwòm tso dzi blibo me,+

Eye mado wò ŋkɔ la ɖe dzi ɖaa.

13 Elabena ève nunye geɖe,

Eye nèɖe nye agbe* tso Tsiẽƒe* ʋĩi ke.+

14 Oo Mawu, dadalawo tso ɖe ŋunye;+

Ŋutasẽlawo ƒe ha le mɔnu dim be yewoaɖe nye agbe* ɖa,

Eye womebu wò ɖe ɖeke me o.+

15 Ke wò la, Oo Yehowa, Mawu nublanuikpɔla kple veveseɖeamenula* nènye,

Mèdoa dziku kabakaba o, eye wò lɔlɔ̃ si nu metsina o kple wò nuteƒewɔwɔ* sɔ gbɔ.+

Do ŋusẽ wò subɔla,+

Eye nàxɔ na wò dɔlanyɔnu ƒe vi la.

17 Ðe wò nyuiwɔwɔ ƒe dzesi* fiam,

Ne nye futɔwo nakpɔe, eye ŋu nakpe wo.