Psalmowo

119 Dzidzɔtɔwoe nye ame siwo ƒe zɔzɔme ŋu fɔɖiɖi mele o,*

Ame siwo nɔa agbe ɖe Yehowa ƒe se la nu.+

 2 Dzidzɔtɔwoe nye ame siwo léa eƒe ŋkuɖodzinyawo me ɖe asi,+

Ame siwo dinɛ tso dzi blibo me.+

 3 Womewɔa nu madzɔmadzɔ aɖeke o;

Wozɔa eƒe mɔwo dzi.+

 4 Wòe de se

Be woalé wò ɖoɖowo me ɖe asi pɛpɛpɛ.+

 5 Ne ɖe manɔ te sesĩe,*+

Ne malé wò ɖoɖowo me ɖe asi ɖe!

 6 Ekema ŋu makpem o+

Nenye be melé ŋku ɖe wò sewo katã ŋu nyuie.

 7 Matsɔ dzi dzɔdzɔe akafu wò

Ne mesrɔ̃ wò ʋɔnudrɔ̃ɖoɖo dzɔdzɔewo.

 11 Medzra wò nyawo ɖo ɖe nye dzi me+

Ne magawɔ nu vɔ̃ ɖe ŋuwò o.+

 12 Oo Yehowa, woakafu wò;

Fia wò ɖoɖowom.

 13 Metsɔ nye nuyiwo ɖe gbeƒã

Ʋɔnudrɔ̃ɖoɖo siwo katã do tso wò nu me.

 14 Mekpɔa dzidzɔ ɖe wò ŋkuɖodzinyawo ŋu+

Wu kesinɔnu bubu ɖe sia ɖe.+

 15 Made ŋugble le* wò sededewo ŋu+

Eye malé ŋku ɖe wò mɔwo ŋu.+

 17 Wɔ nyui na wò subɔla,

Ne manɔ agbe ahalé wò nya la me ɖe asi.+

 18 Ʋu nye ŋkuwo, ne makpɔ

Nu wɔnuku siwo le wò sea me la nyuie.

 20 Edzroam* vevie

Be madi wò ʋɔnudrɔ̃ɖoɖowo ɣeawokatãɣi.

 21 Èka mo na ɖokuiŋudzelawo,

Fiƒodeme siwo tra tso wò sededewo gbɔ.+

 22 Ðe* ŋukpe kple vlododo ɖa le ŋunye,

Elabena melé wò ŋkuɖodzinyawo me ɖe asi.

 23 Ne amegãwo kpe ta hele nu ƒom le ŋunye hã,

Wò subɔla ya dea ŋugble le* wò ɖoɖowo ŋu.

 24 Mekpɔa dzidzɔ ɖe wò ŋkuɖodzinyawo ŋu vevie;+

Woawoe nye nye aɖaŋuɖolawo.+

26 Meƒo nu tso nye zɔzɔme ŋu, eye nèɖo tom;

Fia wò ɖoɖowom.+

 27 Na mase wò sededewo gɔme,

Ne made ŋugble le* wò nukudɔwo ŋu.+

 29 Te aʋatsomɔ ɖa kura tso gbɔnye,+

Eye to wò se la dzi nàve nunye.

 32 Manɔ wò sewo yome vevie*

Elabena èna wòkpɔ nɔƒe le nye dzi me.*

 33 Oo Yehowa,+ fia wò ɖoɖowo ƒe mɔm,

Ne mazɔ edzi va se ɖe nuwuwu.+

 34 Na gɔmesesem,

Ne malé wò se la me ɖe asi,

Eye mawɔ edzi tso dzi blibo me.

 35 Kplɔm to wò sededewo ƒe mɔ dzi,+

Elabena eƒe nu nyoa ŋunye.

 36 Bi nye dzi ɖe wò ŋkuɖodzinyawo ŋu,

Ke menye ɖe ɖokuitɔdidi* ŋu o.+

 37 Ðe nye ŋku ɖa le nu dzodzrowo kpɔkpɔ ŋu;+

Xɔm ɖe agbe le wò mɔwo dzi.

 38 Wɔ wò ŋugbedodo dzi* na wò subɔla,

Ale be woavɔ̃ wò.*

 39 Ðe ŋukpe si vɔ̃m mele la ɖa,

Elabena wò afiatsotsowo nyo.+

 41 Oo Yehowa, wò amenuveve neɖo gbɔnye,+

Wò xɔname hã, le wò ŋugbedodo* la nu;+

 42 Ne mate ŋu aɖo nya ŋu na ame si le vlo domem,

Elabena wò nyawo ŋue meɖo ŋu ɖo.

 43 Mègaɖe nyateƒenya la ɖa le nunye keŋkeŋ o,

Elabena wò afiatsotso sinu kpɔm mele.

 44 Malé wò se la me ɖe asi ɣesiaɣi,

Ðaa tegbee.+

 45 Mazɔ le afi si le dedie,*+

Elabena medi wò sededewo yome mɔ.

 46 Maƒo nu le wò ŋkuɖodzinyawo ŋu le fiawo ŋkume,

Eye ŋu makpem o.+

 47 Melɔ̃ wò sededewo vevie,

Ɛ̃, melɔ̃ wo.+

 48 Mado nye abɔwo ɖe dzi, ɖe wò sedede siwo melɔ̃ la ŋu,+

Eye made ŋugble le* wò ɖoɖowo ŋu.+

 49 Ðo ŋku nya si nègblɔ* na wò subɔla la dzi,

Esi ŋu nèna mele ŋu ɖom ɖo la.*

50 Esiae metsɔ faa akɔ na ɖokuinye le xaxawo me,+

Elabena wò nyawo xɔm ɖe agbe.

 51 Dadalawo ɖea alɔme le ŋunye vevie,

Ke hã, nyemete ɖe aga le wò se la ŋu o.+

 52 Oo Yehowa, meɖoa ŋku wò ʋɔnudrɔ̃ɖoɖo siwo li tso blema ke la dzi,+

Eye mekpɔa akɔfafa le wo me.+

 53 Dzi kuam vevie le ame vɔ̃ɖi

Siwo gblẽ wò sea ɖi la ŋuti.+

 54 Wò ɖoɖowo zu ha medzina

Le afi sia afi si mele.*

 55 Oo Yehowa, meɖoa ŋku wò ŋkɔ dzi le zã me,+

Ne malé wò se la me ɖe asi.

 56 Aleae mewɔna,

Elabena melé wò sededewo me ɖe asi.

 57 Yehowae nye nye gome;+

Medo ŋugbe be mawɔ wò nyawo dzi.+

 58 Mele koko ƒom na wò tso dzi blibo me;+

Ve nunye+ le wò ŋugbedodo* la nu.

 59 Melé ŋku ɖe nye zɔzɔme ŋu,

Ale be nye afɔ natrɔ ɖe wò ŋkuɖodzinyawo ŋu.+

 60 Mewɔ kaba, nyemehe ɖe megbe o,

Be malé wò sededewo me ɖe asi.+

 61 Ame vɔ̃ɖiwo ƒe kawo ɖe to ɖem,

Ke hã nyemeŋlɔ wò se la be o.+

 62 Mefɔna le zãtiƒe be mada akpe na wò+

Ðe wò ʋɔnudrɔ̃ɖoɖo dzɔdzɔeawo ta.

 63 Xɔlɔ̃ menye na ame siwo katã vɔ̃a wò

Kple ame siwo léa wò sededewo me ɖe asi.+

 64 Oo Yehowa, wò lɔlɔ̃ si nu metsina o la xɔ anyigba la dzi keŋ;+

Fia wò ɖoɖowom.

 65 Èwɔ nyui geɖe na wò subɔla la,

Oo Yehowa, èwɔe le wò nya la nu.

 66 Fia susuŋudɔwɔwɔ nyui kple nunyam,+

Elabe wò sededewo ŋue meɖoa dzi ɖo.

 67 Hafi mava ge ɖe fukpekpe me la, metra mɔ enuenu,*

Ke azɔ la, melé wò nyawo me ɖe asi.+

 69 Dadalawo sisi alakpa ɖe ŋunye blibaa,

Ke nye la, melé wò sededewo me ɖe asi tso dzi blibo me.

 70 Woƒe dzi ku atri,*+

Ke nye la, melɔ̃ wò se la vevie.+

 71 Enyo be mekpe fu,+

Ale be mate ŋu asrɔ̃ nu tso wò ɖoɖowo ŋu.

 72 Se siwo nèɖe gblɔ la nyo nam loo!+

Wonyo nam wu sika kple klosalo akpeakpewo.+

Na gɔmesesem,

Ne masrɔ̃ wò sededewo.+

 74 Ame siwo vɔ̃a wò la kpɔa dzidzɔ ne wokpɔm,

Elabena mekpɔa wò nya la sinu.+

 75 Oo Yehowa, menyae be wò ʋɔnudrɔ̃ɖoɖowo le dzɔdzɔe,+

Eye èna mekpe fu le wò nuteƒewɔwɔ me.+

 76 Meɖe kuku, fa akɔ nam le wò lɔlɔ̃ si nu metsina o la ta,+

Le ŋugbe si nèdo* na wò subɔla la nu.

 77 Kpɔ nublanui nam, ne manɔ agbe,+

Elabena melɔ̃ wò se la vevie.+

 78 Na ŋu nakpe dadalawo,

Elabena wowɔ vɔ̃ ɖe ŋunye madzemadzee.*

 79 Na ame siwo vɔ̃a wò la nagatrɔ ɖe ŋunye,

Ame siwo nya wò ŋkuɖodzinyawo hã.

 80 Na nye dzi nanɔ wò ɖoɖowo ŋu fɔɖiɖi manɔmee,+

Ne ŋu nagakpem o.+

 81 Wò xɔname dzroam* vevie,+

Elabena wò nya la sinu kpɔm mele.

 82 Nye ŋkuwo kpɔ mɔ na wò nya vevie,+

Mebe: “Ɣekaɣie nàfa akɔ nam?”+

 83 Elabena mele abe lãgbalẽgolo le dzudzɔ nu ene,

Ke hã nyemeŋlɔa wò ɖoɖowo be o.+

 85 Dadalawo ɖe ʋe ɖi nam,

Wo, ame siwo mewɔa wò se la dzi o.

 87 Esusɔ vie ko wotsrɔ̃m ɖa le anyigba la dzi,

Ke nye la, nyemagblẽ wò sededewo ɖi o.

 88 Xɔm ɖe agbe le wò lɔlɔ̃ si nu metsina o la ta,

Ne malé ŋkuɖodzinya siwo do tso nuwò la me ɖe asi.

 89 Oo Yehowa, wò nya la li ke ɖe dziƒowo,+

Eli ke tegbee.

 91 Woli* va se ɖe egbegbe le wò sededewo nu,

Elabena wo katã subɔa wò.

 92 Ðe menye wò se lae melɔ̃ vevie o la,

Anye ne metsrɔ̃ le nye fukpekpewo me.+

 93 Nyemaŋlɔ wò sededewo be akpɔ o,

Elabena woawo dzie nèto xɔm ɖe agbe.+

 94 Tɔwò menye; ɖem,+

Elabena medi wò sededewo yome mɔ.+

 95 Ame vɔ̃ɖiwo de xa ɖi nam be yewoatsrɔ̃m,

Ke wò ŋkuɖodzinyawo ŋue meléa ŋku ɖo vevie.

 96 Mekpɔ seɖoƒe na nu deblibowo katã,

Ke seɖoƒe meli na wò sedede ya o.*

 98 Wò sedede na medze nunya wu nye futɔwo,+

Elabena ele gbɔnye tegbee.

99 Gɔmesese deto su asinye wu nye nufialawo katã,+

Elabena wò ŋkuɖodzinyawo ŋue medea ŋugble le.*

100 Mewɔa nu kple gɔmesese si gbɔ ame tsitsiwo tɔ ŋu,

Elabena melé wò sededewo me ɖe asi.

101 Megbe toƒe vɔ̃ɖi ɖe sia ɖe zɔzɔ,+

Ale be mate ŋu alé wò nya la me ɖe asi.

102 Nyemete ɖa le wò afiatsotsowo ŋu o,

Elabena wòe fia num.

105 Wò nya nye akaɖi na nye afɔ,

Kple kekeli na nye toƒe.+

106 Meka atam, eye nyemagbe edziwɔwɔ o,

Be malé wò se dzɔdzɔeawo me ɖe asi.

107 Mekpe fu geɖe ŋutɔ,+

Oo Yehowa, xɔm ɖe agbe le wò nya la nu.+

108 Oo Yehowa, meɖe kuku, na nye lɔlɔ̃nu faa kafukafuvɔsawo* nadze ŋuwò,+

Eye nàfia wò afiatsotsowom.+

109 Nye agbe ɖoa afɔku me ɖaa,*

Ke hã, nyemeŋlɔ wò se la be o.+

110 Ame vɔ̃ɖiwo tre mɔ̃ ɖi nam,

Gake nyemetra ɖa tso wò sededewo gbɔ o.+

111 Mexɔ wò ŋkuɖodzinyawo wɔ tɔnyee tegbee,*

Elabena woawo ŋue nye dzi kpɔa dzidzɔ ɖo.+

112 Meɖoe le nye dzi me* be mawɔ wò ɖoɖowo dzi,

Mawɔ wo dzi ɖaa va se ɖe nuwuwu.

113 Melé fu ame siwo si dzi afãafã le,*+

Ke melɔ̃ wò se la ya.+

114 Beɖoƒe kple akpoxɔnu nènye nam,+

Wò nya la sinu kpɔm mele.+

115 Mi nu vlo wɔlawo, mite ɖa le gbɔnye,+

Ne malé nye Mawu ƒe sededewo me ɖe asi.

116 Lém ɖe te le wò ŋugbedodo* la nu,+

Ne manɔ agbe;

Mègana ŋu nakpem le nye mɔkpɔkpɔ me o.+

117 Lém ɖe te, ne makpɔ agbe;+

Ne malé ŋku ɖe wò ɖoɖowo ŋu ɖaa.+

118 Ègbe ame siwo katã tra tso wò ɖoɖowo gbɔ,+

Elabena ameblelawo kple alakpanuwɔlawoe wonye.

120 Vɔvɔ̃ si le ŋuwò nana nye lãme nɔa ƒoƒom;

Mevɔ̃a wò ʋɔnudɔdrɔ̃wo.

122 Da megbe na wò subɔla hena eƒe nyui;

Mègana dadalawo natem ɖe to o.

123 Nu te nye ŋkuwo ŋu le wò xɔname sinu kpɔkpɔ+

Kple wò ŋugbedodo* dzɔdzɔe la sinu kpɔkpɔ ta.+

124 Wɔ nu ɖe wò subɔla ŋu le wò lɔlɔ̃ si nu metsina o la nu,+

Eye nàfia wò ɖoɖowom.+

125 Wò subɔla menye; na gɔmesesem,+

Ne manya wò ŋkuɖodzinyawo.

126 Oo Yehowa, ɣeyiɣi de be nàɖe afɔ,+

Elabena woda wò se la dzi.

127 Esia tae melɔ̃ wò sededewo

Wu sika, wu sika nyuitɔ* gɔ̃ hã ɖo.+

128 Esia tae mebu wò mɔfiamewo* katã be wole dzɔdzɔe;+

Melé fu aʋatsomɔ ɖe sia ɖe.+

130 Ne woʋu go wò nyawo la, kekeli vana,+

Nugɔmesese sua ame makpɔnuteƒewo si.+

131 Meke nu ɖe te heɖe hũ,*

Elabena wò sededewo le dzroyem vevie.+

132 Trɔ ɖe ŋunye, ne nàve nunye,+

Abe ale si nèwɔa nu ɖe ame siwo lɔ̃a wò ŋkɔ la ŋui ene.+

133 Tsɔ wò nyawo fia mɔ nye afɔɖeɖewo dedie;*

Eye mègana nu vɔ̃ɖi aɖeke naɖu dzinye o.+

134 Ðem le ameteɖeanyilawo si me,

Ne malé wò sededewo me ɖe asi.

135 Kɔ mo* ɖe wò subɔla,+

Eye nàfia wò ɖoɖowom.

136 Nye ŋkuwo le aɖatsi fam yoyoyo,

Elabena amewo gbe wò se la dzi wɔwɔ.+

137 Oo Yehowa, èle dzɔdzɔe,+

Eye wò ʋɔnudɔdrɔ̃wo le eteƒe.+

138 Wò ŋkuɖodzinyawo le dzɔdzɔe

Eye wole eteƒe tututu.

139 Mele ŋu ʋãm ɖe nuwò vevie,+

Le esi nye ketɔwo ŋlɔ wò nyawo be ta.

140 Wò nyawo dza ale gbegbe,+

Eye wò subɔla lɔ̃nɛ ŋutɔ.+

141 Nyemele ɖeke me o, eye wodo vlom;+

Ke hã nyemeŋlɔ wò sededewo be o.

142 Wò dzɔdzɔenyenye nye dzɔdzɔenyenye si nɔa anyi tegbetegbee,+

Eye wò se la le eteƒe.+

143 Togbɔ be xaxa kple hiã tum hã la,

Nyemelɔ̃a nu le wò sededewo gbɔ o.

147 Mefɔna doa ŋgɔ na fɔŋli hedoa ɣli be nàxɔ nam,+

Wò nyawo sinu kpɔm mele.

148 Nye ŋkuwo le te do ŋgɔ na zãdzɔɣiwo,

Ne made ŋugble* le wò nyawo ŋu.+

150 Ŋukpenanuwɔlawo gogom;

Wote ɖe aga boo tso wò se la gbɔ.

151 Oo Yehowa, ètsɔ kpuiƒe,+

Eye wò sededewo katã nye nyateƒe.+

152 Menya wò ŋkuɖodzinyawo tso gbe aɖe gbe ke,

Be èɖo wo anyi be woanɔ anyi tegbee.+

153 Kpɔ nye fukpekpe ɖa, ne nàɖem,+

Elabena nyemeŋlɔ wò se la be o.

154 Ʋli tanye, ne nàɖem;+

Xɔm ɖe agbe le wò ŋugbedodo* la nu.

155 Xɔname metsɔ ame vɔ̃ɖiwo gbɔ o,

Elabena womedi wò ɖoɖowo yome mɔ o.+

157 Yonyemetilawo kple nye futɔwo sɔ gbɔ;+

Gake nyemetra ɖa tso wò ŋkuɖodzinyawo gbɔ o.

158 Ame siwo wɔa nu fitifitiwo nyɔa ŋu nam,

Elabena womelé wò nyawo me ɖe asi o.+

160 Wò nyawo katã nye nyateƒe,+

Eye wò ʋɔnudɔdrɔ̃ dzɔdzɔeawo katã li ɖaa.

161 Amegãwo le yonyeme tim+ madzemadzee,

Ke nye dzi kpɔtɔ ku ɖe wò nyawo ŋu kple vɔvɔ̃ gã.+

162 Dzi le dzɔyem ɖe wò nyawo ŋu,+

Abe ame si kpɔ aboyonu geɖe ene.

163 Melé fu aʋatsokaka, eye menyɔ ŋui,+

Ke melɔ̃ wò se la.+

164 Mekafua wò zi adre le ŋkeke me,

Le wò ʋɔnudɔdrɔ̃ dzɔdzɔeawo ta.

165 Ame siwo lɔ̃a wò se la kpɔa ŋutifafa geɖe;+

Naneke mana woakli nu o.*

166 Oo Yehowa, mekpɔa mɔ na wò xɔnamedɔwo,

Eye mewɔa wò sededewo dzi.

167 Melé* wò ŋkuɖodzinyawo me ɖe asi,

Eye melɔ̃ wo vevie ŋutɔ.+

168 Melé wò sededewo kple wò ŋkuɖodzinyawo me ɖe asi,

Elabena nye mɔwo katã le nyanya na wò.+

171 Nye nuyiwo nedudu kafukafu kɔ ɖi,+

Elabena èfiaa wò ɖoɖowom.

172 Nye aɖe adzi ha le wò nyawo ŋu,+

Elabena wò sededewo katã le dzɔdzɔe.

173 Wò alɔ nenɔ klalo akpe ɖe ŋunye,+

Elabena wò sewoe metia be maɖo toe.+

174 Oo Yehowa, wò xɔname le dzroyem vevie,

Eye mekpɔa dzidzɔ ɖe wò se la ŋu vevie.+

175 Na manɔ* agbe ne mate ŋu akafu wò;+

Eye na wò ʋɔnudɔdrɔ̃wo nakpe ɖe ŋunye.

176 Metra mɔ abe alẽ búbu ene.+ Di wò subɔla,

Elabena nyemeŋlɔ wò sededewo be o.+