Yeremiya
17 “Wotsɔ ganuŋlɔnu ŋlɔ Yuda ƒe nu vɔ̃ ɖi.
Wotsɔ lotamekpe tsutsuẽ ɖee ɖe woƒe dzi dzi
Kple woƒe vɔsamlekpuiwo ƒe dzowo ŋu.
2 Esime wo viwo hã ɖo ŋku woƒe vɔsamlekpuiwo kple woƒe Asera*+
Siwo le ati damawo te, kple togbɛ kɔkɔwo+
3 Kpakple to siwo le anyigbaa dzi.
Matsɔ wò nunɔamesiwo, wò kesinɔnuwo katã, ana woaha,+
Ɛ̃, hekpe ɖe wò nuxeƒewo ŋu le nu vɔ̃ si nèwɔ le wò anyigbawo dzi la ta.+
4 Wò ŋutɔe ɖe asi le domenyinu si metsɔ na wò la ŋu.+
Anɔ bibi dzi ɖaa.”
5 Ale Yehowa gblɔe nye esi:
“Aɖi ŋutsu* si ɖoa ŋu ɖe amegbetɔ dzro ŋu,+
Eye wòɖoa dzi ɖe amegbetɔ ƒe ŋusẽ ŋu,*+
Eye eƒe dzi te ɖa xaa tso Yehowa gbɔ la, ŋu kpékpekpe.
6 Anɔ abe ati ɖekɛ le tagba ene.
Ne nyui va la, makpɔe o,
Ke boŋ anɔ teƒe siwo ƒu kplakplakpla le gbegbe
Kple dzenyigba si dzi ame mele o dzi.
8 Anɔ abe ati si wodo ɖe tɔ to,
Eye wòɖea ke ɖe tɔʋu ŋu la ene.
Ne dzoxɔxɔ va la, masee o,
Ke boŋ eƒe aŋgbawo ada ama.+
Matsi dzimaɖi le ƒe si me ku ɖi o,
Eye madzudzɔ tsetse hã o.
9 Ame ƒe dzi la, alakpatɔ* wònye wu nuwo katã, eye enu menya léna o.*+
Ame kae ate ŋu adze sii?
10 Nye, Yehowa, medzroa dziwo me,+
Eye medoa dzimesusuwo* kpɔna,
Ne maɖo eteƒe na ame sia ame ɖe eƒe zɔzɔme nu,
Ðe eƒe nuwɔnawo me tsonuwo nu.+
11 Ame si le kesinɔnuwo nu ƒom ƒu to mɔ fitifiti dzi* la,
Le abe tegli si ƒoa azi siwo menye eya ŋutɔe ɖa wo o la nu ƒu ene.+
Woagblẽe ɖi le eƒe agbemeŋkekewo ƒe domedome,
Eye le eƒe nuwuwu la, azu bometsila.”
12 Ŋutikɔkɔefiazikpui si wodo ɖe dzi tso gɔmedzedzea me ke
Lae nye míaƒe kɔkɔeƒe ƒe nɔƒe la.+
13 Oo Yehowa, Israel ƒe mɔkpɔkpɔ,
Ame siwo katã gblẽa wò ɖi la aɖu ŋukpe.
14 Oo Yehowa, da gbe le ŋunye, ekema mahaya.
Xɔ nam, ekema makpɔ xɔxɔ,+
Elabena wòe mekafuna.
15 Kpɔ ɖa! Amewo le gbɔgblɔm nam be:
“Afi kae Yehowa ƒe nya la le?+
Neva dzro!”
16 Ke nyemegbe be maganye lãkplɔvi le yowòme o,
Eye ŋkeke vɔ̃e la medzrom o.
Wò ŋutɔ ènya nya siwo nye nuyiwo gblɔ la;
Ŋkuwòmee megblɔ wo katã le!
17 Mèganye ŋɔdzi nam o.
Wòe nye nye sitsoƒe le vɔ̃dzɔgbe.
18 Na ŋu nakpe yonyemetilawo,+
Ke megana ŋu nakpem o.
Na ŋɔdzi nalé wo,
Ke megana ŋɔdzi nalém o.
19 Ale Yehowa gblɔ nam ye nye esi: “Yi ɖatɔ ɖe dukɔ la me viwo ƒe agbo si nu Yuda-fiawo tona yina gbɔna kple Yerusalem ƒe agbowo katã me.+ 20 Eye nàgblɔ na wo be, ‘Mi Yuda-fiawo kple Yuda blibo la katã kpakple mi Yerusalem nɔlawo katã, mi ame siwo toa agbo siawo nu gena ɖe eme, mise Yehowa ƒe nya. 21 Ale Yehowa gblɔe nye esi: “Mikpɔ mia ɖokuiwo* dzi nyuie, eye migatsɔ agba aɖeke to Yerusalem ƒe agboawo nu age ɖe eme le Sabat ŋkeke dzi o.+ 22 Migatsɔ agba aɖeke do goe le miaƒe aƒewo me le Sabat ŋkeke dzi o; eye migawɔ dɔ aɖeke o.+ Miwɔ Sabat ŋkeke la kɔkɔe, abe ale si mede se na mia tɔgbuiwo ene.+ 23 Gake womeɖo to alo ƒu to anyi o, ke boŋ wodze aglã,* wogbe toɖoɖo, eye wodo toku amehehe.”’+
24 “‘Yehowa be: “Ne mieɖo tom, eye mietsɔ agba aɖeke to du sia ƒe agbowo nu ge ɖe eme le Sabat ŋkeke dzi o, eye miekɔ Sabat ŋkeke la ŋu, miewɔ dɔ aɖeke le edzi o la,+ 25 ekema fiawo kple amegãwo, ame siwo bɔbɔ nɔ David ƒe fiazikpui dzi+ la, aɖo tasiaɖam, eye woawo kple woƒe amegãwo, Yuda ŋutsuwo kple Yerusalem nɔlawo woado sɔ ato du sia ƒe agbowo nu age ɖe eme;+ eye amewo anɔ du sia me tegbee. 26 Amewo atso Yuda duwo kple teƒe siwo ƒo xlã Yerusalem, tso Benyamin-nyigba dzi,+ tso bali me,+ tso tonuto la me kple Negeb,* eye woatsɔ numevɔsawo,+ vɔsa bubuwo,+ nuɖuvɔsawo,+ lifi kple akpedavɔsawo ava Yehowa ƒe aƒe la me.+
27 “‘“Ke ne miegbe toɖoɖom, eye miekɔ Sabat ŋkeke la ŋu o, ke boŋ mietsɔ agba to Yerusalem ƒe agbowo nu le Sabat ŋkeke dzi la, ekema matɔ dzo Yerusalem ƒe agbowo eye wòafiã eƒe mɔ́ sesẽwo,+ eye womatsii o.”’”+