Nyaɖeɖefia

12 Eyome wokpɔ dzesi gã aɖe le dziƒo: Nyɔnu+ aɖe do ɣe, ɣleti le eƒe afɔ te, eye fiakuku si wotsɔ ɣletivi wuieve wɔ la le eta, 2 eye fu le eƒo. Ele ku lém hele ɣli dom le veve si sem wòle la ta.

3 Wokpɔ dzesi bubu aɖe le dziƒo. Kpɔ ɖa, ʋɔ driba+ hɛ̃ gã aɖee nye esi, ta adre kple dzo ewo li nɛ, eye fiakuku adre le eƒe tawo; 4 eye eƒe asike he dziƒoɣletiviwo ƒe akpa etɔ̃lia,+ eye wòtsɔ wo ƒu gbe ɖe anyigba.+ Eye ʋɔ driba la le tsitre ɖe nyɔnu+ si le vi dzi ge la ŋkume, be ne edzi via ko la, yeatsɔ ɖevia ami.

5 Eye nyɔnua dzi ŋutsuvi,+ ame si atsɔ gatikplɔ+ akplɔ dukɔwo katã. Ale wokɔ via enumake yi Mawu kple eƒe fiazikpui la gbɔ. 6 Eye nyɔnu la si yi gbedzi, afi si Mawu dzra teƒe ɖo ɖi nɛ le, eye wonyii le afi ma ŋkeke akpe ɖeka alafa eve blaade.+

7 Eye aʋa dzɔ le dziƒo: Mikael*+ kple eƒe dɔlawo wɔ aʋa kple ʋɔ driba la, eye ʋɔ driba la kple eƒe dɔlawo wɔ aʋa kpli wo, 8 gake womeɖu dzi o, eye womegakpɔ teƒe aɖeke hã na wo le dziƒo o. 9 Eya ta wotsɔ ʋɔ driba+ gã, si nye da xoxo+ la, si woyɔna be Abosam+ kple Satana,+ ame si le anyigbadzinɔlawo katã blem la,+ ƒu gbe; wotsɔe ƒu gbe ɖe anyigba,+ eye wotsɔ eƒe dɔlawo hã ƒu gbe kpe ɖe eŋu. 10 Eye mese gbe gã aɖe tso dziƒo wògblɔ be:

“Azɔ mía Mawu+ ƒe xɔname+ kple ŋusẽ kple Fiaɖuƒe kpakple eƒe Kristo ƒe dziɖuɖu ƒe ŋusẽ la va ɖo, elabena wotsɔ mía nɔviwo nu tsola, ame si tsoa wo nu zã kple keli le mía Mawu ŋkume la, ƒu gbe!+ 11 Eye woɖu edzi+ le Alẽvi la ƒe ʋu+ kple woƒe ɖaseɖiɖi+ ƒe nya la ta, eye esi wodze ŋgɔ ku gɔ̃ hã la, wolɔ̃ faa be yewoabu yewoƒe luʋɔ.*+ 12 Eya ta dzi nedzɔ mi, mi dziƒowo kple mi ame siwo le wo me la! Baba na anyigba kple atsiaƒu,+ elabena Abosam ɖi va mia gbɔ, eye dzi le ekum vevie, elabena enyae be ɣeyiɣi vi aɖe koe susɔ na ye.”+

13 Ke esi ʋɔ driba la kpɔ be wotsɔ ye ƒu gbe ɖe anyigba la,+ eti nyɔnu+ si dzi ŋutsuvi la yome. 14 Ke wotsɔ hɔ̃ gã+ la ƒe aʋala eveawo na nyɔnu la, ne wòadzo ayi enɔƒe le gbedzi; afi mae wonyii le ɣeyiɣi kple ɣeyiɣiwo kpakple ɣeyiɣi afã*+ le adzɔge tso da la gbɔ.+

15 Eye da la tu tsi si le sisim abe tɔsisi ene tso eƒe nu me ɖo ɖe nyɔnu la yome, ne tsi la nalée. 16 Gake anyigba va xɔ na nyɔnu la, eye anyigba ke nu no tsi si ʋɔ driba la tu tso eƒe nu me la. 17 Eya ta dzi ku ʋɔ driba la ɖe nyɔnu la ŋu, eye wòdzo yi aʋa wɔ ge kple nyɔnu la ƒe dzidzimevi susɔe+ siwo léa Mawu ƒe sewo me ɖe asi, eye wode dɔ asi na wo be woaɖi ɖase le Yesu ŋuti la.+