Lododowo

7 Vinye, lé nye nyawo me ɖe asi,

Eye nàdzra nye sededewo ɖo abe kesinɔnu ene.+

 2 Lé nye sededewo me ɖe asi, ne nànɔ agbe;+

Lé be na nye nufiamewo* abe wò ŋku ƒe gadaglamakui ene.

 3 Bla wo ɖe wò asibidɛwo ŋu;

Eye nàŋlɔ wo ɖe wò dzi ƒe nuŋlɔkpe dzi.+

 5 Ne woakpɔ tawò tso nyɔnu dzeha* si me,+

Tso nyɔnu ahasitɔ* si ɖea ami ɖe eƒe nyawo* la si me.+

 6 Menɔ nye xɔ ƒe fesre nu

Nɔ nu kpɔm to adzrala me,

 7 Eye esi menɔ ŋku lém ɖe ɖekemanyalawo* ŋu la,

Mede dzesi ɖekakpui aɖe si si tagbɔ mele o*+ la le sɔhɛwo dome;

 8 Eto mɔdodo si le nyɔnu aɖe ƒe dzogoe dzi yina,

Eye wòzɔ ɖo ta eƒe aƒe gbɔ

 9 Le fiẽ, esime xexea me nɔ tsyɔtsyɔm,+

Esime zã kple blukɔ nɔ dodom.

10 Eye mekpɔ nyɔnu aɖe va do goe,

Edzra ɖo abe gbolo ene,*+ eye ayedzedze le dzi me nɛ.

12 Kaka nàkpɔa, eyae nye ema le gota, kasia eyae nye ekem le ablɔ me,

Eye wòdea xa ɖe dzogoewo katã dzi.+

13 Elée hegbugbɔ nu nɛ;

Eɖo mo ta, eye wògblɔ nɛ be:

15 Esia tae medo va be mado go wò ɖo;

Medi wò, eye meke ɖe ŋuwò azɔ!

16 Meɖo abadzivɔ nyuiwo ɖe nye aba dzi,

Egipte ƒe avɔ ŋɔŋɔewoe wonye.+

18 Va míano lɔlɔ̃ va se ɖe ŋdi wòaɖi kɔ na mí;

Na míawɔ lɔlɔ̃ wòasu mí,

19 Elabena srɔ̃nye mele aƒea me o;

Eyi mɔ dzi, ezɔ mɔ didi aɖe.

20 Etsɔ gakotoku ɖe asi yii.

Gbe si gbe dzinua sɔ tegblẽe ko hafi wòagbɔ va aƒe.”

22 Kasia edze eyome kɔ̃ɔ, abe nyitsu si wokplɔ yina wuwu ge ene,

Abe bometsila si woyina pã bɔ gee* ene,+

23 Va se ɖe esime aŋutrɔ naƒo ɖe eƒe aklã;

Ele abe xevi si lũ ɖe mɔ̃ dzi, eye menyae be yeƒe agbe* atsi eme o la ene.+

24 Eya ta vinyewo, miɖo tom;

Eye milé to ɖe nye nyawo ŋu.

Mègatra yi eƒe toƒewo o,+

26 Elabena ame siwo tsi esi me heɖo baba ɖi la sɔ gbɔ,+

Eye ame siwo wòwu la mele xexlẽ me o.+

27 Eƒe aƒe la, Tsiẽƒe* ƒe mɔ wònye;

Eɖo ta ku ƒe xɔgãwo me.