Mawue Le Xexeame Dzi Ðuma?

KWASIÐAGBE ŋdi mee. Ame geɖe fɔ tso abadzi, dzra ɖo, ɖu ŋdinu eye woɖe abla yi ɖe sɔleme. Afima wose wogblɔ le mawunya me be Mawu ƒe dziɖuɖu ƒo ɖesiaɖe ta eye ŋusẽ aɖeke mesɔ kple etɔ o. Wogblɔ na wo be etsɔa ɖe le eme na ame vevie. Woƒo nu tso Yesu Kristo hã ŋu. Ðewohĩ wose wogblɔ bena enye fiawo dzi Fia si amesiame adze klo na le ɖokuibɔbɔ me.

Esi amesiawo gbɔ tso sɔleme la, ɖewohĩ woʋu television be yewoase nyadzɔdzɔwo. Fifia wose dɔwuame, nuvlowɔwɔ, atikevɔ̃ɖiwo zazã, kple ahedada ŋuti nyawo. Eye wokpɔ dɔléle kple ku ŋuti nudzɔdzɔ wɔ nublanuiwo hã.

Amesiawo ava nɔ nya biam wo ɖokui le nusiwo wose le sɔleme kple vevietɔ nyati siwo gɔme womeɖe le afima o la ŋuti. Ne Mawu nye lɔlɔ̃ kpakple ŋusẽkatãtɔ la, ke nukatae nu dziŋɔwo dzɔna? Ke Yesu Kristo hã ɖe? Edze ƒã be ame geɖewo li siwo medzea klo nɛ le ɖokuibɔbɔ me xɔa eƒe mɔfiafia o.

[Nɔnɔmetata si le axa 3]

Ne Mawue le xexeame dzi ɖum la, ke nukatae fukpekpe kple ʋunyaʋunyawo do agbogbo alea?

[Nɔnɔmetata Tsoƒe si le axa 2]

Akpa Dzi: NASA foto